ეკონომიკისა და მდგრადი განვითარების სამინისტროში მინისტრის პირველი მოადგილის, ეკატერინე მიქაბაძის ხელმძღვანელობით „კერძო სექტორის განვითარების ხელშეწყობის საკონსულტაციო საბჭოს" მორიგი სხდომა გაიმართა. სხდომას ასევე დაესწრო იუსტიციის მინისტრის პირველი მოადგილე მიხეილ სარჯველაძე.

შეხვედრაზე გაკეთდა პრეზენტაციები ფინანსური განათლების კუთხით  განხორციელებული და დაგეგმილი ღონისძიებების შესახებ, ასევე ,,მედიაციის შესახებ" საქართველოს კანონის თაობაზე და ქალთა მეწარმეობის ხელშეწყობის ქვესაბჭოს ფარგლებში განხორციელებულ და დაგეგმილ აქტივობებთან დაკავშირებით. ასევე, გაიმართა დისკუსია თემაზე ,,კერძო სექტორის განვითარების შემაფერხებელი ფაქტორები", რომლის დროსაც შეხვედრის მონაწილეებმა, მათ შორის ბიზნესის წარმომადგენლებმა სხვადასხვა მნიშვნელოვანი გამოწვევის შესახებ გაამახვილეს ყურადღება.

„ბიზნესთან სრულფასოვანი დიალოგი ჩვენი მთავრობის ერთერთი მთავარი მონაპოვარია. საბჭოს სხდომებზე ჩვენ ვიხილავთ ყველა მნიშვნელოვან საკითხს, ბიზნესისგან წამოსულ ინიციატივებს, რომლებმაც საბოლოო ჯამში ხელი უნდა შეუწყონ ქვეყნის ეკონომიკურ განვითარებას. ჩვენ დღეს 2019 წელს ბოლო შეხვედრა ჩავატარეთ და შევაჯამეთ ის ინიციატივები, რომლებიც ამ ხნის განმავლობაში იქნა დაყენებული. მოხარული ვარ აღვნიშნო, რომ დიალოგის ის ინსტრუმენტი, როგორიცაა საბჭო, წარმატებულია და მისი მეშვეობით ბიზნესის არაერთი წინადადება იქნა განხილული და დადებითად გადაწყვეტილი," - განაცხადა ეკატერინე მიქაბაძემ. 

შეხვედრაზე აღინიშნა, რომ „კერძო სექტორის განვითარების ხელშეწყობის საკონსულტაციო საბჭოს", როგორც საჯარო და კერძო სექტორს შორის დიალოგის და თანმშრომლობის გაღრმავების მნიშვნელოვანი პლატფორმის ფუნქციონირება, უზრუნველყოფს რეგულარული და სტრუქტურირებული დიალოგის წარმოებას, რაც ეხმარება მთავრობას, შეიმუშაოს ეფექტიანი პოლიტიკა კერძო სექტორის, განსაკუთრებით კი მცირე და საშუალო მეწარმეობის განვითარების ხელშეწყობისთვის. ამასთან, რეგულარული დიალოგის მექანიზმი ხელს უწყობს კერძო სექტორსა (მათ შორის, მცირე და საშუალო მეწარმეობის წარმომადგენლებს) და მთავრობას  შორის ნდობის გაზრდას და პროგნოზირებადი გარემოს ჩამოყალიბებას.

„კერძო სექტორის განვითარების ხელშეწყობის საკონსულტაციო საბჭო" „2016-2020 წლების საქართველოს მცირე და საშუალო მეწარმეობის განვითარების სტრატეგიის" თანახმად შეიქმნა და მისი ფუნქციაა კერძო სექტორთან კონსტრუქციული დიალოგის წარმოება და არსებობის შემთხვევაში, ბიზნესის განვითარების შემაფერხებელი ფაქტორების იდენტიფიცირება და განხილვა.

ავტორი: NS (სტატია დაფინანსებულია),

სოციალური ქსელები

დათუნაშვილი - გაზის გაძვირება კატასტროფული გადაწყვეტილება, რომელიც ძალიან მძიმე ტვირთად დააწვება თითოეულ ოჯახს ამ ქვეყანაში

მეუფე ვახტანგი სამორინეებზე - როგორმე, პარლამენტში ხელახლა უნდა გავიდეს და დააიგნორონ

საქართველოში მენეჯერების პოზიციაზე ქალების ხელფასი საშუალოდ 2 713 ლარია, ხოლო კაცების — 4 312 ლარი

ელენე ხოშტარია: იკრძალება არა 5, არამედ 7 პარტია