„პარლამენტის სირცხვილია მისი უფლებამოსილების ცნობა, მაგრამ ეს სირცხვილი იმ ხალხმა ზიდოს, ვისი პარტიის წარმომადგენელიც არის“, - ასე ეხმაურება საპარლამენტო უმრავლესობის წევრი, კარლო კოპალიანი ნიკა მელიას ადგილმონაცვლის, ბადრი ბასიშვილის დეპუტატად დანიშვნას.

როგორც კარლო კოპალიანმა ჟურნალისტებთან საუბრისას განაცხადა, მან არ დაუჭირა კოპალიანის დეპუტატად დანიშვნას მხარი, რადგან ის იყო ერთ-ერთი, ვინც 26 მაისს არბევდა ხალხს.

„პარლამენტის სირცხვილია მისი უფლებამოსილების ცნობა, მაგრამ ეს სირცხვილი იმ ხალხმა ზიდოს, ვისი პარტიის წარმომადგენელიც არის. მას მხარი არ დავუჭირე, რადგან მეშვიდე მოწვევის პარლამენტში ერთად ვიყავით და ის ერთ-ერთი ადამიანი იყო, ვინც თავის ბრიგადასთან ერთად 26 მაისს გვარბევდა. სიკვდილამდე გვცემეს და ამ დროს ბასიშვილი იყო თავის ჯგუფთან ერთად, რაც ცნობილი ამბავია. კარგი იქნება, თუ მას პარლამენტი მხარს არ დაუჭერს“, – განაცხადა კარლო კოპალიანმა.

შეგახსენებთ, დღეს საპროცედურო საკითხთა და წესების კომიტეტმა „ნაციონალური მოძრაობის“ წევრის, ნიკა მელიას ადგილმონაცვლის ბადრი ბასიაშვილის სადეპუტატო უფლებამოსილების ცნობის შესახებ საკითხი განიხილა და დაამტკიცა. კენჭისყრისას, საპარლამენტო უმრავლესობის ორმა წევრმა, კარლო კოპალიანმა და ენძელა მაჭვარიანმა ბადრი ბასიშვილის სადეპუტატო უფლებამოსილების ცნობის საკითხს მხარი არ დაუჭირეს.

ავტორი: ექსპრესნიუსი,

სოციალური ქსელები

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა

მოსკოვის ცენტრში 100-ზე მეტი ადამიანი დააკავეს; ზოგიერთს სამხედრო რეგისტრაციისა და გაწვევის ოფისში უწყება გადაეცა