„ „ფეისბუქის“ ეს კვლევა არის იმის მტკიცებულება, თუ როგორ მტრობდა საქართველოს დღევანდელი ხელისუფლება“, -  ასე ეხმაურება „ევროპული საქართველოს“ ერთ-ერთი წევრი გიგა ბოკერია კვლევას, რომლის მიხედვითაც „ფეისბუქმა“ საქართველოს ხელისუფლებასთან დაკავშირებული ასობით გვერდი, ჯგუფი და ანგარიში გააუქმა.

ბოკერიას თქმით, ე.წ ტროლების გამოაშკარავებამ აჩვენა, რომ „ქართული ოცნება“ ფულს არა მხოლოდ ოპონენტების დისკრედიტაციისთვის, არამედ საქართველოს მტრის სასარგებლოდ ხარჯავდა.

„ეს კვლევა, ფეისბუქთან ერთად ჩატარებული ამ ლაბორატორიის მიერ, რომელიც არსებობს ატლანტიკურ საბჭოსთან, არის იმის მტკიცებულება, როგორ მტრობდა საქართველოს დღევანდელი ხელისუფლება, სამარცხვინო ლიდერის, ივანიშვილის მეთაურობით, როგორ ხარჯავდა ფულს არა მხოლოდ შუღლის, დაპირისპირების, სიბინძურის და ოპონენტების დისკრედიტაციისთვის, არამედ საქართველოს შიგნით თვისუფლების იდეის, თავისუფალი სამყაროს პროფანაციისთვის, ჩვენი ქვეყნის მტრის სასარგებლოდ“, - განაცხადა გიგა ბოკერიამ.

შეგახსენებთ, რომ „ფეისბუქმა“ საქართველოს ხელისუფლებასთან დაკავშირებული ასობით გვერდი, ჯგუფი და ანგარიში გააუქმა. „ფეისბუქმა“ დაადგინა, რომ ამ კამპანიისთვის ყალბმა გვერდებმა ჯამში 316 000-ზე მეტი ამერიკული დოლარი დახარჯეს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა

მოსკოვის ცენტრში 100-ზე მეტი ადამიანი დააკავეს; ზოგიერთს სამხედრო რეგისტრაციისა და გაწვევის ოფისში უწყება გადაეცა