თბილისის საკრებულოს დეპუტატ ერეკლე კუხიანიძეს, ფრაქცია „ქართული ოცნების“ შემდეგ, გარემოს დაცვის კომისიის თავმჯდომარის თანამდებობაც დაატოვებინეს.

დღევანდელ სხდომას თავად კუხიანიძეც ესწრებოდა, თუმცა კენჭისყრის შედეგებს არ დაელოდა. იგი საკრებულოში უმცროს ქალიშვილთან, მარიამ კუხიანიძესთან ერთად მივიდა და აღნიშნა, რომ ოჯახის წევრებს არ მიუტოვებიათ.

„აქ არის ჩემი უმცროსი ქალიშვილი, მარიამ კუხიანიძე, რომელიც მთლიანად მიჭერს მხარს, ჩემი შუათანა ქალიშვილიც ჩამოვა და ისიც ჩემს მხარეზე დგას, მთელი ჩემი ოჯახი გვერდში მიდგას. ასე, რომ ზოგიერთი ტაკიმასხარების გამოხტომები, რომ ვიღაცამ მიმატოვა და რაღაცა, ეს არის აბსოლუტურად დიდი ტყუილი. მე სამწუხაროდ ახლა დაგტოვებთ და ერთადერთი მინდა გირჩიოთ, რომ ის ოთახი, სადაც ეს ჭინკები იყვნენ და სხვადასხვა სიბინძურეები ჩაატარეს, მოიყვანოთ მღვდელი და აკურთხოთ ეს ოთახი“, - განაცხადა კუხიანიძემ და სხდომა დატოვა.

სხდომათა დარბაზის დატოვების შემდეგ მან ჟურნალისტებთან საუბრისას აღნიშნა, რომ საკრებულოს გადაწყვეტილება მძიმეა, თუმცა  მეგობრებს არ განსჯის.

„ეს მათი გადაწყვეტილებაა, რა თქმა უნდა ჩემთვის ეს  არის ძალიან მძიმე. ვფიქრობ, რომ მეგობრები უფრო უნდა დავიცვათ, მაგრამ მე მათ არ განვსჯი ეს არის პოლიტიკური პროცესი“, - განაცხადა ერეკლე კუხიანიძემ.

შეგახსენებთ, კუხიანიძის გადაყენების საკითხი დღის წესრიგში მას შემდეგ დადგა, რაც საკრებულოს დეპუტატმა ოკუპანტების მიერ დაკავებული ექიმის, ვაჟა გაფრინდაშვილის ოჯახს „პროვოკატორები“ უწოდა და შეურაცხყოფა მიაყენა.

ავტორი: ექსპრესნიუსი,

სოციალური ქსელები

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა

მოსკოვის ცენტრში 100-ზე მეტი ადამიანი დააკავეს; ზოგიერთს სამხედრო რეგისტრაციისა და გაწვევის ოფისში უწყება გადაეცა