სამოქალაქო მოძრაობა "გაბედეს" წევრები შაბათს, 21 ნოემბერს 18:00 საათზე, კანცელარიასთან აქციას აანონსებენ. გარდაცვლილი 15 წლის ლუკა სირაძის დაკრძალვამდე, ისინი უარს აცხადებენ აქტიურ პროტესტებზე.

როგორც სამოქალაქო მოძრაობა "გაბედეს" ერთ-ერთმა წევრმა, მიშა ქუმსიშვილმა აღნიშნა, აქციის მთავარი მოთხოვნა იქნება დამნაშავეების დასჯა და ძირგამომპალი სისტემის დაშლა.

მისივე თქმით, ლუკა სირაძე არ იყო სისტემის პირველი მსხვერპლი და ეს უნდა დასრულდეს, ამიტომაც ყველა უნდა გამოვიდეს გარეთ და გააპროტესტოს ეს დამპალი სისტემა.

“გამომდინარე იქიდან,რომ ეს დღეები ყველასთვის მძიმე იქნება, მოძრაობა “გაბედე” მომავალი რამდენიმე დღის განმავლობაში, მანამ, სანამ არ დაიკრძალება ახალგაზრდა ბიჭი, თავს შევიკავებთ აქტიური პროტესტისგან, მაგრამ შაბათს 18:00 საათზე ვაანონსებთ აქციას მთავრობის კანცელარიასთან, ვინაიდან სახეზეა ძალადობრივი პოლიციური რეჟიმი და საუბედუროდ ლუკა არ იყო პირველი მსხვერპლი ამ რეჟიმის და ეს ყველაფერი უნდა დასრულდეს საქართველოში. ჩვენ გავაკეთებთ ყველაფერს და მივმართავთ პროტესტის ყველანაირ ფორმას იმისთვის, რომ რომ საწადელს მივაღწიოთ და ეს ძირგამომპალი სისტემა, რომელმაც არაერთი ახალგაზრდის სიცოცხლე შეიწირა, ერთხელ და სამუდამოდ დასრულდეს", - განაცხადა "გაბედეს" აქტივისტმა, მიშა ქუმსიშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა

მოსკოვის ცენტრში 100-ზე მეტი ადამიანი დააკავეს; ზოგიერთს სამხედრო რეგისტრაციისა და გაწვევის ოფისში უწყება გადაეცა