2019-12-05 12:35:44, 1570 ნახვა
პოლიტიკა
გიორგი კანდელაკი: როგორი სპექტაკლებიც არ უნდა დადგან, პროპორციული არჩევნები მაინც ჩატარდება
„როგორი სპექტაკლიც არ უნდა დადგან, საქართველოში პროპორციული არჩევნები მაინც ჩატარდება“, - ასე გამოეხმაურა „ევროპული საქართველოს“ ერთ-ერთი ლიდერი, გიორგი კანდელაკი დიმიტრი ხუნდაძის ინიციატივას.
კანდელაკს მმართველ გუნდში მორიგი დაპისირპირების არ სჯერა და აღნიშნავს, რომ ამბოხებული მაჟორიტარების ინიციატივის უკან პარტიის თავმჯდომარე ბიძინა ივანიშვილი დგას.
„ბატონი ბიძინას მონების ეს ჯგუფი რაღაც გაღმა შემოდავების პრინციპით მოქმედებს, მაგრამ რანაირი ტრიუკიც არ უნდა ჩაატარონ მათ, იქნება ლაზღანდარობა და მეტი არაფერი. რაც არ უნდა გააკეთონ და როგორი სპექტაკლებიც არ უნდა დადგან, საქართველოში პროპორციული არჩევნები მაინც ჩატარდება“, - განაცხადა გიორგი კანდელაკმა.
ავტორი: ექსპრესნიუსი,
epn.ge (@expressnews.ge)
