2019-11-26 11:58:29, 1611 ნახვა
პოლიტიკა
ოქრიაშვილი: თუ პოლიტიკური პროცესები ასე გაგრძელდება, ვფიქრობ, დასრულდება რიგგარეშე არჩევნებით
„თუ ეს პოლიტიკური პროცესები მომავალშიც ამგვარად განვითარდა, ვფიქრობ, რომ დასრულდება რიგგარეშე არჩევნებით“, - ამის შესახებ ფრაქცია „ქართული ოცნების“ მაჟორიტარმა დეპუტატმა კახა ოქრიაშვილმა ჟურნალისტებს განუცხადა.
მისი თქმით, ის მხარს უჭერს მაჟორიტარულ საარჩევნო სისტემას და საპრეზიდენტო მმართველობას.
„მე ვიღებ პასუხისმგებლობას ჩემს ქმედებებზე. მე მხარს ვუჭერ მაჟორიტარულ საარჩევნო სისტემას და აგრეთვე საპრეზიდენტო მმართველობას. ეს არის ჩემი ჩამოყალიბებული ხედვა, რაზეც მე ვაგებ პასუხს. რა თქმა უნდა, სამწუხარო პოლიტიკური პროცესები განვითარდა. თუ ეს პროცესები მომავალშიც ამგვარად განვითარდა ვფიქრობ, რომ დასრულდება რიგგარეშე არჩევნებით“, - განაცხადა ოქრიაშვილმა.
ავტორი: ექსპრესნიუსი,
epn.ge (@expressnews.ge)
