გლდანში, მეტროსადგურ ახმეტელის მიმდებარე ტერიტორიაზე არასრულწლოვანი დაჭრეს. 

გავრცელებული ინფორმაციით, შემთხვევა გვიან ღამით მოხდა. დაჭრილი მოზარდი საავადმყოფოშია გადაყვანილი, სადაც მას ოპერაცია ჩაუტარდა. 

შინაგან საქმეთა სამინისტროში აცხადებენ, რომ მომხდარ ფაქტთან დაკავშირებით ერთი პირია დაკავებული.

როგორც ექიმი ქეთევან კუპატაძე აცხადებს, მოზარდს ჭრილობები მუცლის ღრუში ჰქონდა მიყენებული, რის შედეგადაც დაზიანება პანკრეასისა და კუჭის არეში აქვს მიღებული. მისივე ინფორმაციით, მოზარდის მდგომარეობა მძიმეა. 

"პაციენტი კლინიკაში შემოყვანილია 15 ოქტომბერს, მუცლის ღრუში შემავალი ნაკვეთ-ნაჩხვლეტი ჭრილობის შედეგად მიღებული აქვს პანკრეასის და კუჭის დაზიანება. ჩატარდა ქირურგიული ჩარევა, ამ ეტაპზე, პაციენტის მდგომარეობა შეესაბამება ოპერაციის შემდგომ პერიოდს. რჩება რეანიმაციულ განყოფილებაში, მართვით სუნთქვაზე, მდგომარეობა საკმაოდ მძიმეა, თუმცა მეტ-ნაკლებ სტაბილიზაციას მივაღწიეთ ამ დროის განმავლობაში", - განაცხადა ქეთევან კუპატაძემ.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ალ არაბია: აშშ და ირანი ურანის გამდიდრების დონეზე შეთანხმდნენ.

უკრაინამ ნოვგოროდის ოლქში მდებარე საავიაციო ქარხანას შეუტია, რომელიც სამხედრო სატრანსპორტო თვითმფრინავებს ემსახურება

როიტერი: რუსეთმა და უკრაინამ პირადად გამოხატეს მზადყოფნა ტერიტორიული გაცვლისთვის

უკრაინამ განაცხადა, რომ ზელენსკი მზადაა პუტინს ანტარქტიდაში შეხვდეს, მაგრამ არა მოსკოვში