|
2019-10-04 13:03:23, 3166 ნახვა
კომენტარი
ბესელია - ცქიტიშვილზე დადებითი წარმოდგენა აღარ მაქვს, მაგრამ არ მიჭირს ვთქვა, რომ ხაზარაძის მიმართვა არ მომეწონა
„მიუხედავად იმისა, რომ მაია ცქიტიშვილზე აღარ მაქვს დადებითი წარმოდგენა, მე გუშინ არ გამჭირვებია მეთქვა, რომ ეს კონტექსტი არ მომეწონა“, - ასე გამოეხმაურა პარლამენტის დამოუკიდებელი დეპუტატი ეკა ბესელია „ლელოს“ დამფუძნებლის, მამუკა ხაზარაძის მიერ ინფრასტრუქტურის მინისტრის შესახებ გაკეთებულ განცხადებას. „არ მიყოყმანია და არ შეუქმნია ჩემთვის შინაგანი ბარიერი იმ სრულიად სამართლიან პროტესტს, რომელიც მე მაქვს ქალბატონი ცქიტიშვილის გამონათქვამების და პოზიციის გამო, როგორც ქალი პოლიტიკოსის მიმართ. ის ვერანაირ ჩარჩოში და ფარგლებში ვერ მოთავსდება იმდენად მძიმე მოსასმენი იყო, მაგრამ იმის მიუხედავად, რომ მასზე აღარ მაქვს დადებითი წარმოდგენა, მე გუშინ არ გამჭირვებია მეთქვა, რომ ეს კონტექსტი, მიუხედავად იმისა, რომ ახსნა მოგვიანებით მამუკა ხაზარაძემ, რომ სხვა რამეს გულისხმობდა, მე არ მომეწონა. გუშინ ვნახეთ „ქართული ოცნების“ წარმომადგენლები როგორ დაირაზმნენ და ერთხმად დაიწყეს ამის დაგმობა, მაშინ როდესაც იმის წინა დღეებში ასეთივე სოლიდარობა უნდა გამოეჩინათ, გაუჭირდათ პოზიციის გამოხატვა. ეს არის ორმაგი სტანდარტი სამწუხაროდ, რითაც გამოირჩევა მმართველი პარტია“, - განაცხად ეკა ბესელიამ. ცნობისთვის, გუშინ საზოგადოებრივი მოძრაობა „ლელოს“ დამფუძნებელმა მამუკა ხაზარაძემ ინფრასტრუქტურის მინისნიტრის მაია ცქიტიშვილის მისამართით სექსისტური განცხადება გააკეთა. კერძოდ, ხაზარაძემ განაცხადა: „შეიძლება მაია ცხიქიტშვილი კარგად აცხობს ხაჭაპურს, მაგრამ წარმოდგენა არ აქვს, რა არის ინფრასტრუქტურა“.
პოლიციამ ლაზარე გრიგორიადისი დააკავა
ჯაშუშობის ბრალდებით დაკავებულ ახალგორელ თამაზ გოლოევს ორთვიანი წინასწარი პატიმრობა შეეფარდა
ბოჭორიშვილი - გვექნება შესაძლებლობა, ჰერჩინსკი ვიხილოთ საგარეო საქმეთა სამინისტროში
პირადი ცხოვრების საიდუმლოს უკანონოდ შენახვისთვის და გავრცელებისთვის POG-მა 2 პირი დააკავა
|
რედაქტორის რჩევით
პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ომი უკრაინაში
რუსებმა ოდესაში საცხოვრებელი სახლები დაბომბეს, რის შედეგადაც ორი ადამიანი დაიღუპა და 15 დაშავდა
რუსებმა დნეპრის ცენტრში მაღალსართულიან შენობა დაბომბეს, რის შედეგადაც ორი ადამიანი დაიღუპა და 10 დაშავდა
ვიდეო/LIVE პატრიარქის ილია მეორის დაკრძალვა - პირდაპირი
2025 წელს, ემიგრანტების რიცხოვნობამ 114 374 კაცი შეადგინა, ყველა მათგანი შრომისუნარიანი იყო
დღის თემა
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ექსპრესნიუსი,



epn.ge (@expressnews.ge)