აჭარის მთავრობის თავმჯდომარე თორნიკე რიჟვაძე შუახევის მუნიციპალიტეტში ბარათაულის, ჭვანას და წყალსაყრის ადმინისტრაციული ერთეულის სოფლების მოსახლეობას შეხვდა.

პროექტი „ღია შეხვედრები" ორ თვეზე მეტია საქართველოს რეგიონებში მიმდინარეობს და მიზნად ისახავს მოსახლეობის საჭიროებების გაცნობას და მომავალი წლის ბიუჯეტის დაგეგმვისას ამ საჭიროებების გათვალისწინებას.

მთავრობის თავმჯდომარე, აჭარის განათლების მინისტრთან და მთავრობის წევრებთან ერთად შუახევში ახალი სკოლის მშენებლობის დაწყების პროცესს გაეცნო. სკოლა 240 მოსწავლეზეა გათვლილი და აღჭურვილი იქნება თანამედროვე სტანდარტების შესაბამისად. სკოლაში ასევე, მოეწყობა სააქტო დარბაზი, დახურული და ღია სპორტული სივრცეები. შენობა უზრუნველყოფილი და  სრულად ადაპტირებული იქნება. პროექტის ღირებულება 2 171 873 ლარია. პროექტი 2021 სასწავლო წლისთვის დასრულდება. შუახევის მუნიციპალიტეტში 2020 წელს სამი საჯარო სკოლის რეაბილიტაციაა დაგეგმილი.

„ვაგრძელებთ მოსახლეობასთან ღია შეხვედრებს დიალოგის ფორმატში. ამ შეხვედრებში ჩართულია ხელისუფლების ყველა შტო. შუახევის მუნიციპალიტეტებში ძალიან აქტიურად ვითარდება სასკოლო ინფრასტრუქტურა. მოვინახულეთ რამდენიმე მიმდინარე და დაგეგმილი პროექტი. შუახევის ცენტრში შენდება ახალი თანამედროვე სკოლა, ეს იქნება დამატებითი სტიმული როგორც მოსწავლეებისთვის, ისე მასწავლებლებისთვის" - განაცხადა თორნიკე რიჟვაძემ.

მოსახლეობასთან შეხვედრებს საქართველოს პარლამენტის და უმაღლესი საბჭოს წევრები, მთავრობის წარმომადგენლები. შუახევის მუნიციპალიტეტის და საკრებულოს წევრები ესწრებოდნენ.

(NS)

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო