ეკონომიკისა და მდგრადი გავითარების მინისტრი ნათია თურნავა ტყიბულში ჩავიდა და მეშახტეებს შეხვდა. 

როგორც თურნავამ აღნიშნა, "საქნახშირს" მოძიებული ჰყავს ინვესტორი და ეს დიდი გამოცდილების მქონე ქართული ჯგუფია. მანვე განმარტა, რომ უფრო მეტ დეტალზე კომპანიის წარმომადგენლებთან შეხვედრის დასრულების შემდეგ ისაუბრებს. 

"ამ ეტაპზე ვეკონტაქტებთ "საქნახშირს". ამ კომპანიას აქვს დიდი ისტორია. 2006 წლიდან ფლობენ შახტებს და გარკვეული მოდერნიზაციაც გააკეთეს. თუმცა, როგორც ჩანს შეექმნათ გარკვეული პრობლემები. პირველ რიგში ისინი იყვნენ და არიან პასუხისმგებლები, რომ გასტუმრებულიყო ყველა ვალდებულება, ყველაფერი გაეკეთებინათ, რომ მოპოვება ყოფილიყო უსაფრთხო. არსებულ პრობლემებზე ვისაუბრებთ. რაც მთავარია თავად კომპანია უკვე რამდენიმე თვის განმავლობაში აწარმოებს მოლაპარაკებებს სხვადასხვა ჯგუფებთან. მათ მოძიებული ჰყავთ ინვესტორი. ჩემი ინფორმაციით ეს არის ქართული ჯგუფი, რომელსაც აქვს გამოცდილება სხვადასხვა ტიპის მაგნის, ოქსიდით ტრეიდინგში. ჰყავთ უკრაინელი პარტნიორები. ჩემთვის არის მთავარი, რომ მოვისმინო დამაჯერებელი პასუხიები კითხვებზე, როდის იქნება ხელფასები გასტუმრებული და უსაფრთხო შრომის პირობებში როდის აღდგება მოპოვება, ასევე როდის დაიწყებს საწარმო ნორმალურ ფუნქციონირებას. ხელფასი უსწრაფესად უნდა დარიგდეს", - განაცხადა მინისტრმა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

უკრაინამ განაცხადა, რომ ზელენსკი მზადაა პუტინს ანტარქტიდაში შეხვდეს, მაგრამ არა მოსკოვში

კირცხალია ივანიშვილის წარმომადგენელთა სხდომაზე - განვიხილეთ ჩინეთთან ურთიერთობა და სხვა პოლიტიკური საკითხები

ღარიბაშვილი სხდომების დახურვაზე -ჩრდილოვანი მართლმსაჯულების მკაფიო მაგალითია

ბრალი წარედგინა მასწავლებელს, რომელიც 30 წლის წინ, 7 წლის დაზარალებულზე სექსუალურად ძალადობდა - საფარი