აჭარის ჯანდაცვის მინისტრი იუნისეფის საქართველოს ოფისის წარმომადგენლებს შეხვდა

2019-09-26 13:37:52, 1787 ნახვა

რეგიონი

აჭარის ა/რ ჯანმრთელობისა და სოციალური დაცვის მინისტრი ზაალ მიქელაძე მოადგილეებთან ერთად "იუნისეფ საქართველოს" ოფისის წარმომადგენელს, ღასან ხალილს, ჯანდაცვის პროგრამის ხელმძღვანელს, თამარ უგულავას, სოციალური კომუნიკაციის პროგრამის ხელმძღვანელს, მაია ქურციკიძეს, გაეროს ბავშვთა ფონდის სოციალური კეთილდღეობის პროგრამის ხელმძღვანელს, ქეთევან მელიქაძესა და სხვა წარმომადგებლებს შეხვდა.

შეხვედრაზე მხარეებმა განიხილეს ის პროექტები, რომელბიც იუნისეფის ხელშეწყობით აჭარაში მიმდინარეობს. ესენია:

" ე.წ „ოცნების ქალაქში“ მცხოვრებთა ფსიქო-სოციალური რეაბილიტაციის ხეშეწყობა"

"შეზღუდული შესაძლებლობის შეფასების და სტატუსის განსაზღვრის სოციალური მოდელის პილოტირება აჭარაში"

"ბავშვის განვითარებაზე ორიენტირებული პირველადი ჯანდაცვის გაძლიერება აჭარაში".

„ე.წ „ოცნების ქალაქში“ მცხოვრებთა ფსიქო-სოციალური რეაბილიტაციის ხეშეწყობა" - პროექტის ფაეგლებში ადგილობრივებს უტარდებათ ტრენინგები.

„შეზღუდული შესაძლებლობის შეფასების და სტატუსის განსაზღვრის სოციალური მოდელის პილოტირება აჭარაში" - პროექტის ფარგლებში რეგიონის 6 სამედიცინო დაწესებულებაში მიმდინარეობს პილოტის დანერგვა, რომელიც ითვალისწინებს შეზღუდული შესაძლებლობის სტატუსის განსაზღვრას, პირის სოციალური საჭიროებისა და ფუნქციონირების შეფასების მიხედვით.

„ბავშვის განვითარებაზე ორიენტირებული პირველადი ჯანდაცვის გაძლიერება აჭარაში" - პროექტის ფარგლებში გაეროს ბავშვთა ფონდისა და აჭარის ჯანდაცვის სამინისტროს თანამშრომლობით შედეგად აჭარაში დაინერგა 0-დან 6 წლამდე ასაკის ბავშვთა ზრდასა და განვითარებაზე ზედამხედველობის სისტემა. ინიციატივა მიზნად ისახავს ბავშვების განვითარებაზე მეთვალყურეობის სერვისების გაძლიერებას პირველადი ჯანდაცვის დონეზე.

(NS)

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,