საქსტატის ინფორმაციით, 2018 წელს საქართველოში ცოცხლად დაბადებულთა რიცხოვნობამ 51 138 ბავშვი შეადგინა. 

ამავე სტატისტიკის მიხედვით, 2016 წელთან შედარებით ცოცხლად დაბადებულთა რიცხოვნობა 9.6 პროცენტით შემცირდა. ყველაზე მეტი დაბადება დაფიქსირდა თბილისში (31.6 პროცენტი), ხოლო ყველაზე მცირე – რაჭა-ლეჩხუმისა და ქვემო სვანეთის რეგიონში (0.6 პროცენტი). 

საქსტატის ცნობით, 2018 წელს, საქართველოში 26 538 ბიჭი და 24 600 გოგო დაიბადა. შესაბამისად, ყოველ 100 ცოცხლად დაბადებულ გოგოზე დაიბადა 107.9 ბიჭი. 

"ბოლო პერიოდში ერთი ქალის გაჩენილი ბავშვების საშუალო რაოდენობა უზრუნველყოფს
თაობათა განახლების პროცესს. 2018 წელს შობადობის ჯამობრივი კოეფიციენტი 2.1-ია.
2016 წელთან შედარებით, შობადობის ასაკობრივი კოეფიციენტები 15-19 წლის და 20-24 წლის
ასაკის ქალებისათვის შემცირდა. 2018 წელს საქართველოში 15-19 წლის ასაკის 1 000 ქალის მიერ
ცოცხლად დაბადებული ბავშვების რაოდენობამ შეადგინა 32.3, ხოლო 20-24 წლის ასაკის 1 000
ქალის მიერ ცოცხლად დაბადებული ბავშვების რაოდენობამ – 121.9. სხვა ასაკობრივ ჯგუფებში
აღნიშნული მაჩვენებელი პრაქტიკულად უცვლელი დარჩა. დაბადებულთა საერთო რიცხოვნობაში 2018 წელს 2016 წელთან შედარებით 40.6 პროცენტიდან 37.9 პროცენტამდე შემცირდა რიგით პირველი დაბადებულის წილი. მესამე და მომდევნო რიგითობის დაბადებულთა წილი 21.3 პროცენტიდან 23.6 პროცენტამდე გაიზარდა, ხოლო მეორე შვილის წილი თითქმის უცვლელი დარჩა. დედის საშუალო ასაკმა პირველი ბავშვის დაბადებისას 2016 წელს 25.0 წელი შეადგინა, ხოლო 2018 წელს ეს მაჩვენებელი 25.6 წლამდე გაიზარდა", - აღნიშნულია საქსტატის მონაცემებში. 

ამასთამ, საქართველოში 2018 წელს 438 მკვდრადშობილი დაიბადა, რაც 21.5 პროცენტით ნაკლებია 2016 წელთან შედარებით.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

მეუფე ზენონი - არსებობს საფრთხე,სიძულვილის ენასთან ბრძოლის იდეა გადაიქცეს კონტროლის მექანიზმად

დიუშენით დაავადებული ბავშვების მშობლები: სამუშაო ჯგუფში საპატრიარქო ჩაერთვება

ელისაშვილი მდინარაძეზე: სინანული მაქვს, რომ უფრო არ შემოვარტყი ყურის ძირში მაგ გარეწარს

ევროსასამართლოს გადაწყვეტილება შსს-ს ხელს არ აძლევს, აზრის დევნის პრაქტიკა აწარმოოს - საია მილაძის საქმეზე