„ჩვენ ჯამში დედაქალაქს 12 ობიექტი შევმატეთ და ყველა მათგანი სახელმწიფოს დარჩება“, – ამის შესახებ პრემიერ–მინსტრმა ირაკლი ღარიბაშვილმა  ვერის განახლებული საკალათბურთო დარბაზის გახსნისას  ჟურნალისტებს განუცხადა.

მისივე თქმით, ობიექტები ახალგაზრდულ ოლიმპიურ ფესტივალს „თბილისი 2015“–ს  უმასპინძლებს, რის შემდეგაც ისინი  სახელმწიფო საკუთრებაში დარჩება.

„დღეს, ჩვენ, ვიმყოფებით სრულიად განახლებულ ვერის საკალათბურთო დარბაზში.  ეს არის კალათბურთელების  საყვარელი ადგილი  და არა მხოლოდ მათთვის, არამედ ყველა თბილისელისთვის.  ამიტომ, ჩვენ გადავწყვიტეთ ამ დარბაზის სრული რეაბილიტაცია გაგვეკეთებინა და ამისათვის დაახლოებით 2 100 000 დავხარჯეთ.  ეს არის საერთაშორისო სტანდარტის შესაბამისი, თანამედროვე დარბაზი, რომელიც ღირსეულად უმასპინძლებს ახალგაზრდულ ოლიმპიურ ფესტივალს. ჩვენ, ჯამში, დედაქალაქს 12 ობიექტი შევმატეთ, აქედან 6 ახალია, დანარჩენი კი, გარემონტებული, აღდგენილი. რაც მთავარია, თორმეტივე არის სახელმწიფო ობიექტი და ყველა მათგანი დარჩება სახელმწიფოს, რითიც ჩვენი სპორტსმენები ისარგებლებენ. ეს არის საჩუქარი ჩვენი სპორტსმენებისთვის, ვინაიდან ისინი მართლაც იმსახურებენ ამ დახმარებას სახელმწიფოსგან“, – აღნიშნა ღარიბაშვილმა.

ვერის განახლებული საკალათბურთო დარბაზი პრემიერ–მიინსტრმა თბილისის მერთან დავით ნარმანიასთან, „თბილისი – 2015“–ის საორგანიზაციო კომიტეტის თავჯდომარესთან ალექსი ახვლედიანთან, სპორტისა და ახალგაზრდობის საქმეთა მინისტრთან ტარიელ ხეჩიკაშვილთან და საქართველოს ეროვნული ოლიმპიური კომიტეტის პრეზიდენტთან ლერი ხაბელოვთან ერთად გახსნა.

დღესვე სამთავრობო დელეგაცია განახლებულ ძიუდოს აკადემიას გახსნის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ოპოზიციაზე - თვითონვე ამტკიცებენ საკუთარი პირით იმას, თუ რატომ არიან ასაკრძალები

66 წლის ბრალდებულმა, 19 წლის დაზარალებულს სახელგამტეხი ინფორმაციის გახმაურების მუქარით შეხვედრა აიძულა, რის შემდეგაც სოფლის მიტოვებულ ტერიტორიაზე ფიზიკური ძალის გამოყენებით გააუპატიურა

რუსეთთან ურთიერთობების საკითხში მთავრობის წარმომადგენლად გიორგი ზურაბაშვილი დაინიშნა

უვადო პატიმრობა მიესაჯა 22 წლის თამაზ მთივლიშვილის მკვლელობაში ბრალდებულ გიორგი პაპაშვილს