თბილისში მიმდინარე საერთაშორისო კონფერენციაზე, „Now What?”, „პატრიოტთა ალიანსის“ წევრი ირმა ინაშვილი მივიდა. დეპუტატის მისვლას ხმაური და დაპირისპირება მოჰყვა. 

მანამდე ადგილზე ტელეკომპანია "ობიექტივის" ერთ-ერთი ჟურნალისტი გიორგი კასრაძე იმყოფებოდა, რომლის გამოსვლამაც ხმაური გამოიწვია. ჟურნალისტი დაინტერესდა, თუ რატომ არ მიიწვიეს კონფერენციაზე "პატრიოტთა ალიანსის" წევრები და აგრეთვე, მან ნატო-ს ყოფილი გენერალური მდივნის ანდერს ფოგ რასმუსენის განცხადება გააკრიტიკა, რომელმაც, როგორც მოგვიანებით გაირკვა, არასწორი თარგმანის გამო საზოგადოება შეცდომაში შეიყვანა. 

ამის შემდეგ ადგილზე ირმა ინაშვილი მივიდა. დეპუტატის თქმით, მისთვის გაუგებარია, თუ რატომ არ აქვს პარლამენტის წევრს კონფერენციაზე დასწრების უფლება. ადგილზე საპატრულო პოლიციაც გამოიძახეს, რომელმაც ჟურნალისტი ადგილიდან გაიყვანა. ორგანიზატორებმა მოუწოდეს პარლამენტის წევრს დარბაზი დატოვოს. 

მანამდე კი, ინაშვილი ამერიკელ მკვლევარსა და ყოფილ დიპლომატს დევიდ კრამერის დაუპირისპირდა. 

"გიგა ბოკერია ჩვენზე უამრავლ ტყუილს ავრცელებდა ამ კონფერეცნიის ფარგლებში. მოვედი იმისათვის, რომ სათქმელი ვთქვა. მოვედი და ორგანიზატორებს ვთხოვე, რომ შიგნით შევსულიყავი და პატარა მოხსენება გამეკეთებინა, მაგრამ ამის უფლება არ მომსცეს. ვერ ვხვდები, რატომ არ მაქვს უფლება კონფერენციაში მივიღო მონაწილეობა", - განაცხადა ინაშვილმა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

კალაძეს არ მოსწონს სიუჟეტი მასზე ამიტომ ცენზურის დაწესებას მხარს უჭერს

კობახიძე დიუშენის მედიკამენტებზე - საუბარია დაახლოებით 50 მილიონზე ყოველწლიურად

გვარამია - კობახიძემ, ერთი შეხედვით, სიგიჟე გააკეთა: ღია წერილით მიმართა ევროკავშირის ლიდერებს. ცხადია, რომ სიგიჟეა, მაგრამ არა ტყუილად ჰაერში გასროლილი

ცენზურის დაწესებისას, შსს-ს შეეძლება, თავად შეაგროვოს ინფორმაცია, ან საჯარო ინფორმაციის საფუძველზე წამოიწყოს კონკრეტული საქმეები