ირანელი ჟურნალისტი მასიჰ ანილეჟადი სოციალურ ქსელ „ტვიტერში“ შემზარავ ვიდეოს ავრცელებს.

კადრებში ჩანს, რომ ვიდეო საქორწინო წვეულებაზეა გადაღებული. სტუმრები მღერიან, ცეკვავენ და ახლადდაქორწინებულებს ტაშს უკრავენ. შემდეგ კამერა ქორწილის მთავარ ფიგურანტებს გვიჩვენებს და ნათელი ხდება, რომ პატარძალი 11 წლის გოგონაა, რომელსაც ზრდასრულ მამაკაცზე ათხოვებენ.

ანილეჟადის თქმით, ირანული კანონებით, ოჯახს 13 წლის გოგონას გათხოვება შეუძლია. მაგრამ თუ კარგად დავუკვირდებით კადრებს, დავინახავთ, რომ გოგონა 13 წლის სულაც არ არის. სოციალურ ქსელში ვიდეოს გავრცელების შემდეგ აღნიშნული ფაქტით ირანის სამართალდამცავები დაინტერესდნენ, დაიწყო გამოძიება და სასამართლომ, რომელსაც საქმე გადაეგზავნა ქორწინება ბათილად სცნო, მაგრამ სისხლის სამართლის პასუხისგებაში არავინ მიცემულა. მეტიც, სასამართლოს ბრძანებით, რომელიც გოგონას მშობლებს ამცნეს, ისინი ბავშვის გათხოვებას 2 წელიწადში შეძლებენ, ანუ როცა გოგონას 13 წელი შეუსრულდება. სპარსი ჟურნალისტი ბაბაქ თაგვეია წერს, რომ პატარძალი 11 წლის არ ყოფილა. მისი თქმით, სინამდვილეში გოგონა 9 წლის და მისი (უკვე ყოფილი) "ქმარი" 28 წლის მამაკაცია. მისი სახელი ბასიჯია და იგი სახალხო წინააღმდეგობის წევრი გახლავთ. ეუთო-ს სპეციალური დასკვნის მიხედვით , 2012-2013 წლებში ირანში 40 635 15 წლამდე გოგონა გაათხოვეს.

ავტორი: გიორგი ბაზაევი, ექსპრესნიუსის რეპორტიორი 2010 წლიდან

სოციალური ქსელები

ტრამპის ადმინისტრაციამ განაცხადა, რომ რუსეთის წინააღმდეგ სანქციები რამდენიმე ქვეყნის მოთხოვნის საფუძველზე შეამსუბუქა

ტრამპმა შეადგინა ნატოს „ურჩი“ ქვეყნების სია, რომლებიც ვაშინგტონის სურვილით, დაისჯებიან

საქართველო „ღია მმართველობის პარტნიორობიდან “ (OGP) გარიცხეს

გავარმიას ინფორმაციით, ბერა ივანიშვილის და კახი კალაძის სამეგობროს ჩხუბის შემდეგ, ივანიშვილის მეგობრები სუს-მა დააკავა