თბილისის N202, N121 და N156 საჯარო ბაგა-ბაღებში ახალ სააღმზრდელო წელს, ბავშვებს  განახლებული და კეთილმოწყობილი გარემო დახვდებათ.

სამივე საბავშვო ბაღში ზაფხულის არდადეგების პერიოდში მასშტაბური სარემონტო სამუშაოები ჩატარდა: N202 ბაღში ამჟამად ეზოს რეაბილიტაცია მიმდინარეობს - იცვლება გზის საფარი, სადაც ასფალტთან ერთად დაიგება ქვაფენილი, ამასთანავე, მოეწყობა საბავშვო და სათამაშო მოედნები. N136 ბაგა-ბაღში, ზაფხულის არდადეგების პერიოდში, გარემონტდა შენობის ინტერიერი და მოეწყო შიდა სათამაშო მოედანი. გზის საფარი შეიცვალა N121 ბაგა-ბაღშიც, ასევე გარემონტდა რამდენიმე სააღმზრდელო ჯგუფი და საპირფარეშო. ბაღის ეზოში დაწყებულია სპორტული მოედნის მოწყობაც. სამუშაოების ჯამური  ღირებულება 246 000 ლარია.

აღნიშნულ ბაღებში განხორციელებული და მიმდინარე სარემონტო სამუშაოები, თბილისის საბავშვო ბაგა-ბაღების მართვის სააგენტოს ხელმძღვანელმა კახაბერ გვანცელაძემ რაიონის გამგებელს კახა ლაბუჩიძეს და მაჟორიტარ დეპუტატებს, ირაკლი აბუსერიძეს, ლევან დავითაშვილსა და ილია ჯიშკარიანს გააცნო.

„ჩვენ მაქსიმალურად დავაკმაყოფილეთ საბავშვო ბაღების ადმინისტრაციების მოთხოვნები მათთან არსებული, ინდივიდუალური პრობლემების მოგვარების თაობაზე და დავგეგმეთ სარემონტო სამუშაოები ზაფხულის არდადეგების პერიოდისთვის. ივლისსა და აგვისტოში თბილისის 60-მდე საბავშვო ბაგა-ბაღში მასშტაბური სარემონტო სამუშაოები განვახორციელეთ, 50-მდე ბაღში კი ეზოებში განვაახლეთ ინფრასტრუქტურა,“ - განაცხადა კახაბერ გვანცელაძემ.

მისივე თქმით, სკოლამდელი აღზრდის დაწესებულებების ინფრასტრუქტურა მუდმივად საჭიროებს განახლებას და პროექტების განხორციელება მომავალშიც გაგრძელდება.

(NS)

ავტორი: ექსპრესნიუსი,

სოციალური ქსელები

ცენზურის დაწესებისას, შსს-ს შეეძლება, თავად შეაგროვოს ინფორმაცია, ან საჯარო ინფორმაციის საფუძველზე წამოიწყოს კონკრეტული საქმეები

მდინარაძე იქნება მსოფლიოს ისტორიის პირველი facebook პოსტებთან მებრძოლი გენერალი - გახარია საქართველოსთვის

კობახიძე - იყო კონკრეტული ექსცესები, რომლებმაც ჩრდილი მიაყენა ჩვენს ხელწერას 2024 წლის ნოემბერ-დეკემბრის მოვლენების დროს

სახალხო დამცველისთვის ადმინისტრაციულ სამართალდარღვევათა კოდექსსა სს კოდექში შეტანილი ცვლილებეი პრობლემურია