2019-07-20 20:15:05, 2930 ნახვა
საზოგადოება
1 თვე 20 ივნისის ღამიდან - ანტისაოკუპაციო აქცია განახლდა (LIVE)
რუსთაველის გამზირზე, პარლამენტის წინ ანტისაოკუპაციო აქცია განახლდა.
აღსანიშნავია, რომ დღეს პროტესტის დაწყებიდან ერთი თვე გავიდა.
დემონსტრანტების თავდაპირველად სამი მოთხოვნა ჰქონდათ - შინაგან საქმეთა მინისტრის გიორგი გახარიას თანამდებობიდან გადადგომა, პროპორციული წესით საპარლამენტო არჩევნების ჩატარება და 20 ივნისის ღამეს აქციის დაშლისას დაკვებულების გათავისუფლება.
ერთთვიანმა პროტესტმა კვე მიაღწია არჩევნების პროპორციული წესით ჩატარების მოთხოვნის დაკმაყოფილებასა და აქციაზე დაკავებულთა გათავისუფლებას.
ამ ეტაპზე კი მათი მთავარი მოთხოვნა გიორგი გახარიას თანამდებობიდან გადადგომაა.
როგორც ორგანიზატორები აცხადებენ, ისინი აქციების შეწყვეტას მანამ არ აპირებენ, ვიდრე მათი მოთხოვნები სრულად არ დაკმაყოფილდება.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
