„რუსთავი 2“-ის ახალი მფლობელისთვის, საზოგადოებრივი საბჭოს შექმნაზე თანხმობა იქნება მნიშვნელოვანი ტესტი, არხის სარედაქციო პოლიტიკის დასაცავად, - ამის შესახებ არასამათავრობო ორგანიზაცია „საქართველოს დემოკრატიული ინიციატივის“ ხელმძღვანელმა გიორგი მშვენიერაძემ განაცხადა,  რითაც „რუსთავი 2“ -ის ჟურნალისტების შეთავაზებას გამოეხმაურა, რომელიც არხის სარედაქციო პოლიტიკის დამოუკიდებლობის და კრიტიკული საინფორმაციო გამოშვებების ხელშეუხებლობის გარანტად საზოგადოებრივი საბჭოს შექმნას შეეხება.

როგორც მშვენირაძემ აღნიშნა, თუ არხის ახალი მფლობელი სარედაქციო პოლიტიკის შეცვლას რეალურად არ გეგმავს, მას შეუძლია საბჭოს შექმნას დათანხმდეს.

„თუკი ტელევიზიის ხელმღვანელს, მეპატრონეს აქვს სურვილი, რომ  დამოუკიდებლობა იყოს მყარად დაცული ტელევიზიაში და ის არ აპირებს მენეჯმენტის ცვლილებით ან მენეჯმენტით ჩარევას პოლტიკაში, მას შეუძლია ან ეს ან სხვა თანაბრად მნიშვნელოვანი გარანტიები დააწესოს, თუმცა ეს  ის ნება-სურვილზეა დამოკიდებული და ერთგვარად პასუხიც იქნება იმაზე, მას რეალურად რა სურს, სურს სარედაქციო დამოუკიდებლობის შეზღუდვა, შეცვლა, რის ეჭვიც სამართლიანად არსებობს, თუ ის ტოვებს სარედაქციო დამოუკიდებლობას და მისთვის, „რუსთავი 2“-ისთვის ბრძოლა იყო მართლაც დაკარგული ბიზნესისთვის ბრძოლა“, - განაცხადა გიორგი მშვენიერაძემ.

შეგახსენებთ, რომ რუსთავი 2“-ის ჟურნალისტებმა ახალ მფლობელს და გენერალურ დირექტორს სარედაქციო დამოუკიდებლობის შენარჩუნების გეგმა შესთავაზეს. გეგმა სამი ნაწილისგან შედგება.

1. მედიისა და ადამიანის უფლებების დაცვის სფეროში მომუშავე ავტორიტეტული არასამთავრობო ორგანიზაციების წარმომადგენლებისგან შეიქმნას „რუსთავი 2“ -ის საზოგადოებრივი საბჭო. საერთაშორისო გამჭირვალობა საქართველო - ეკა გიგაური, საია - სულხან სალაძე,ს აქართველოს დემოკრატიული ინიციატივა- გიორგი მშვენიერაძე, სამართლიანი არცევნები- მიხელ ბენიძე, ჟურნალისტური ეთიკის ქარტია - ნატა ძველიშვილი, მედიამკვლევარი - ნინო დანელია, ჟურნალისტი ზვიად ქორიძე, მედიაექსპერტი ლაშა ტუღუში და კიდევ თქვენს მიერ შერჩეული ორი წარმომადგენელი, რომელიც მაღალი ნდობით და რეპუტაციით სარგებლობს საზოგადოებაში ამ საბჭოს განხილვისა და დადასტურების გარეშე „რუსთავი 2“-ის ახალმა მენეჯმენტმა ვერ შეძლოს, იმ თანამშრომლების მიღება და გათავისუფლება, რომლებიც ქმნიან და აგებენ პასუხს საზოგადოებრივ პოლიტიკურ კონტენტზე. (მათ შორის წამყვანები, საინფორმაციო სამსახურის უფროსი, ჟურნალისტები, პროდიუსერები).

2. დაწესდეს მორატორიუმი ნებისმიერ საკადრო გადაწყვეტილებაზე ამ საზოგადოებრივი საბჭოს შექმნამდე.

3. არხის ახალმა მენეჯმენტმა აიღოს ვალდებულება და არ განახორციელოს, რაიმე ქმედება, რომელიც ხელს შეუშლის არხის მაღალრეიტინგული გადაცემების მომზადებას და ეთერში გაშვებას. არ შეცვალოს იმ გასართობი გადაცემების წამყვანები და სარედაქციო გუნდი, რომელიც ფორმატით გასართობი ხასიასთისაა, თუმცა საყოველთაოდ აღიარებულია, რომ ხელისუფლებას დისკომფორტს უქმნის“, - ნათქვამია "რუსთავის 2"-ის საინფორმაციო-პოლიტიკური დეპარტამენტის თანამშრომლების ერთობლივ მიმართვაში.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

რატომ ჰგავს რეჟიმის ინიციატივა, დაამკვიდროს აღვირახსნილი ცენზურა რუსულ მოდელს - განვიხილავთ დეტალურად

„გაიარე მეტი უსაფრთხოდ“ - „თეგეტას“ ახალი კამპანია საგზაო უსაფრთხოების კულტურის გასაძლიერებლად

Anchorსაქართველოს ბანკისა და ლურჯი მოცვის მწარმოებელთა ასოციაციის თანამშრომლობის ფარგლებში, საქართველოს საერთაშორისო მოცვის ორგანიზაციის თავმჯდომარე ეწვია

საერთაშორისო განათლების ახალი შესაძლებლობები - საქართველოს ბანკისა და LEAF-ის ახალი პარტნიორობა