2019-07-19 10:55:20, 996 ნახვა
საზოგადოება
პაატა სალია „რუსთავი 2“-ში მივიდა
„რუსთავი 2“-ის ახლადარჩეული გენერალური დირექტორი პაატა სალია ტელეკომპანიაში მივიდა.
როგორც მან ჟურნალისტებს განუცხადა, სურს კომპანიის თანამშრომლებს შეხვდეს და გაიცნოს.
„გუშინაც ამ მიზნით მოვედი, რომ დამეწყო გაცნობა კომპანიაში არსებული ვითარების, პირველ რიგში გამეგო თანამშრომლების ვინაობა და შემდგომ შევხვედროდი ყველას უკლებრივ, გამეცნო ყველა თანამშრომელი და პარალელურად დამეწყო იმ საკითხებზე მუშაობა, რაც აუცილებელია კომპანიის შეუფერხებელი საქმიანობისთვის. დღესაც იგივე მიზნით ვარ. გუშინ განმიცხადეს, რომ სამუშაო საათები დასრულებული იყო და ის ადამიანები ვინც ამ ფუნქციებს ასრულებდნენ, წასულები იყვნენ. შესაბამისად, მოვედი ისეთ დროს როცა ვვარაუდობ, რომ ყველა ადგილზე უნდა იყოს. შევალ და გავესაუბრები“, - აღნიშნა პაატა სალიამ.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
