კიევში, ტელეკომპანია „112 უკრაინას“ შენობას ყუმბარა ესროლეს

2019-07-13 11:25:58, 4859 ნახვა

მსოფლიო

კიევში, ტელეკომპანია "112 უკრაინას" შენობას ყუმბარა ესროლეს, - ამის შესახებ უკრაინეული მედია წერს.

პოლიციამ მედია საშუალებაზე თავდასხმას ტერაქტის კვალიფიკაცია მიანიჭა. თავდასხმა უკრაინის დროით ღამის 03:40 საათზე მოხდა.

სამართალდამცველები 2 თავდამსხმელს ამ დრომდე ეძებენ. ქალაქის მასშტაბით სპეცოპერაცია მიმდინარეობს. გამოძიება ტერაქტის მოწყობის მუხლით მიმდინარეობს.

ტერაქტის დროს არავინ დაშავებულა.

აღსანიშნავია, რომ მანამდე ტელეკომპანიის რედაქციამ შესაბამის უწყებებს მიმართა და სთხოვა, რომ მათი დაცვა უზრუნველყოს, რადგან რადიკალები სხვადასხვა მოქმედებებით ცდილობენ რედაქციის პოლიტიკა შეცვალონ.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან