სახალხო დამცველის აპარატი მომავალ კვირაში  საზოგადოებას 20-21 ივნისის აქციის დაშლის საქმეზე გამოძიების მიმდინარეობის პირველად შედეგებს გააცნობს, - ამის შესახებ ომბუდსმენმა ნინო ლომჯარიამ განაცხადა.

ლომჯარიამ აღნიშნა, რომ ამ საკითხებზე საკონსულტაციო საბჭოს სხდომას მოიწვევენ, რომლის შემადგენლობაც რამდენიმე დღეში გახდება ცნობილი.

“ჩვენ ვეცნობით მასალებს და უკვე გავეცანით 5 ტომს, თუმცა დღის ბოლოს რამდენიმე ტომი დაემატა ამ საქმეს. ჩემი წარმომადგენლები ყოველდღიურ რეჟიმში იქ იქნებიან და მოუწევთ ძალიან დიდი მასალის გაცნობა. ჩვენ ვაპირებთ, რომ ჩვენი შეხედულებები, თუ როგორ მიმდინარეობს გამოძიება, გარკვეული პერიოდულობით შევაჯამოთ. ალბათ,  მომავალ კვირაში ჩვენ უკვე გვექნება პირველადი წარმოდგენები რამდენად ეფექტურად მიმდინარეობს გამოძიება, რამდენად სწორია ის ტემპი და ის საგამოძიებო მოქმედებები, რაც ვხედავთ, რომ ჩატარდა. ამ საკითხებზე ჩვენ მოვიწვევთ ჩვენი საკონსულტაციო საბჭოს პირველ სხდომას, საზოგადოებას და  მედიას წარვუდგენთ საბჭოს შემადგენლობას, რომელიც უახლოეს დღეებში დამტკიცდება. ჩვენს პირველად მოსაზრებებს განვიხილავთ სწორედ საზოგადოებასთან ერთად“, - განაცხადა ნინო ლომჯარიამ.

ავტორი: ექსპრესნიუსი,

სოციალური ქსელები

კალაძე აცხადებს, რომ სოციალურ ქსელებში სტატუსები, განცხადებები, უნდა დარეგულირდეს

გაეცანით საქართველოს ბანკის განახლებულ საერთაშორისო სასტიპენდიო პროგრამებს

ჩაერთეთ საქართველოს ბანკის განვადების აქციაში და გაინახევრეთ განვადების თანხა

მარნეულში 6 ადამიანი ტორტით მოიწამლა, მოკვლევა დაწყებულია