ცინცაძე-კარტოზიას დამაკავშირებელ სატრანსპორტო კვანძთან თანამედროვე, მულტიფუნქციური სპორტული სივრცე მოეწყო.

ახალი სპორტული სივრცე საბურთალოს გამგებელმა გაიოზ ვასაძემ, საკრებულოს მაჟორიტარ დეპუტატ დავით უთმელიძესთან ერთად დაათვალიერა.

როგორც გაიოზ ვასაძემ განმარტა, აღნიშნული სპორტული ინფრასტრუქტურა მაღალი ხარისხისაა, გააჩნია არაერთი სერტიფიკატი და ამ ეტაპზე მისი ანალოგი საქართველოში არ არსებობს. 

მულტიფუნქციურ სივრცეში განთავსებული თანამედროვე სპორტული ინვენტარი იძლევა საშუალებას, რომ მოქალაქე ვარჯიშის ინსტრუქციას წერილობით ან QR კოდის მეშვეობით, ვიდეოს სახით გაეცნოს. გარდა ამისა, ინვენტარს აქვს აპლიკაცია სმარტფონებისთვის, რომლის მეშვეობით შესაძლებელია ვარჯიშების ვიდეოს სახით მომზადება, რომელიც მიუთითებს ვარჯიშისა და შესვენების დროს, აჩვენებს თუ რომელი სავარჯიშო რომელი კუნთის განვითარებას უწყობს ხელს, ასევე, განსაზღვრავს სტატისტიკას, პროგრესს და კვების რეჟიმს.

სპორტული სივრცის მოწყობის სამუშაოები გამგეობის დაკვეთით  შპს "გრინსერვის +"-მა განახორციელა. სპორტული ინვენტარისა და მისი მონტაჟისთვის ჯამში ბიუჯეტიდან 125 089 ლარი დაიხარჯა.

ამ დროისთვის მსგავსი მულტიფუნქციური სპორტული სივრცის მოწყობა დიდ დიღომში, გიორგი ბრწყინვალეს ქუჩის N1-თან მდებარე ტერიტორიაზე მიმდინარეობს.   

(NS)

ავტორი: ექსპრესნიუსი,

სოციალური ქსელები

თიბისი კაპიტალმა მსხვილი ბიზნესისთვის სასესხო პორტფელის სავალუტო სტრუქტურის შესახებ რეკომენდაციები გამოაქვეყნა - მკითხველის კომენტარებზე პასუხებთან ერთად

რამდენიმე კვირაში შსს-ში შეიქმნება სამმართველო მოქალაქეთა ტოტალური კონტროლისთვის

მდინარაძე ამტკიცებს, რომ გამოხატვის თავისუფლების გამო დასჯა, არ არის თავისუფლების შეზღუდვა

რეჟიმი შსს-ში შექმნის სპეციალური სამმართველოს, რომლის ფუნქცია იქნება გამოავლინოს და დასაჯოს ოლიგარქის პარტიის კრიტიკოსები