რაც შეეხება უშუალოდ ორთაჭალაში მდებარე “ნიუ ჰოსპიტალს”, რომელმაც აქციაზე დაშავებული 24 მოქალაქე მიიღო: ამჯერად, აქ 18 პაციენტი რჩება, 6 კი უკვე გაწერილია. კლინიკაში დარჩენილთა შორის ერთის მდგომარეობა მძიმეან ორს კი, რომელთაც თვალი სერიოზულად ჰქონდათ დაზიანებული, ენუკლიაცია [თვალის ამოღება] დასჭირდათ.

ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე ზაზა ბოხუა ინგოროყვას კლინიკაში დაშავებულების მონახულებისას განაცხადა, რომ უმრავლესობას მძიმე ტრავმვა დაჟეჟილობა და თვალის დაზიანება აღენიშნება.

„კონკრეტულად ინგოროყვას კლინიკაში შემოყვანილი იყო 46 პაციენტი, მათგან 35 გაწერილია, ხოლო 11 განაგრძობს მკურნალობს. რაც შეეხება საერთო მონაცემებს, სულ სხვადასხვა სტაციონარში 240 ადამიანია შემოყვანილი. ამ წუთას კი 102 ადამიანი ჰოსპიტარიზებულია. უმრავლეს შემთხვევაში მათ აღენიშებოდათ ტრავმა, დაჟეჟილობა და თვალის დაზიანებები. ამ წუთებში მიმდინარეობს 2 ოპერაცია, მათგან ერთის მდგომარეობა სტაბილურად მძიმეა", - განაცხადა ჯანდაცვის მინისტრის მოადგილემ.