თბილისის საკრებულოს დეპუტატები, ვატო შაქარიშვილი, ჯაბა ჯიშკარიანი და პარლამენტის დამოუკიდებელი დეპუტატი ლევან გოგიჩაიშვილი რუსთაველის გამზირზე მიმდინარე აქციიდან გააძევეს.

მიზეზი ვატო შაქარიშვილის განცხადება გახდა, რომელმაც აღნიშნა, რომ „ნაციონალურმა მოძრაობამ“ საზოგადოების ჯანსაღი აზრის ოკუპირება მოახდინა.

„ჩემო მეგობრებო, თბილისელებო, ქართველებო, დღეს ისევე როგორც საქართველოს პარლამენტი ჰქონდა ოკუპირებული რუსეთს, ისე აქვს „ნაციონალურ მოძრაობას“ ოკუპირებული საზოგადოების ჯანსაღი პროტესტი“, - განაცხადა ვატო შაქარიშვილმა.

შაქარიშვილის განცხადებას ადგილზე შეკრებილი მოქალაქეების გაღიზიანება მოჰყვა. აქციის ერთ-ერთმა მონაწილემ შაქარიშვილს მიკროფონი წაართვა. ამასთან, ადგილზე იმყოფებოდა პანკისის სპეცოპერაციისას მოკლული თემირლან მაჩალიკაშვილის მამა მალხაზ მაჩალიკაშვილი. მან შაქარიშვილთან მისვლა სცადა, თუმცა ამის საშუალებას არ მისცეს. ფიზიკური შეხლა-შემოხლის შემდეგ, შაქარიშვილს, ჯიშკარიანს და გოგიჩაიშვილს ტერიტორია დაატოვებინეს.

ავტორი: ექსპრესნიუსი,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი