დედაქალაქის მერი კახა კალაძე „მრგვალი ბაღის“ სარეაბილიტაციო სამუშაოებს გაეცნო.

მისი თქმით, რეაბილიტაციის პროცესის გაჭიანურება კონტრაქტორი კომპანიის მიერ სამუშაოების არაჯეროვნად შესრულებამ გამოიწვია, რასაც მისი ჩანაცვლება მოჰყვა.

„კონტრაქტორი, რომელიც „მრგვალ ბაღში“ სარეაბილიტაციო სამუშაოებს ასრულებდა, სამწუხაროდ, არაკეთილსინდისიერი კომპანია აღმოჩნდა, რომელიც სარეაბილიტაციო სამუშაოებს არაჯეროვნად ასრულებდა. აღნიშნული კომპანია სხვა კომპანიით ჩანაცვლდა, რომელიც სამუშაოებს უკვე აწარმოებს. აღნიშნული სამუშაოები 3 კვირის განმავლობაში დასრულდება. მოწესრიგდება განათება და სარწყავი სისტემა, განახლდება შადრევანი, შეიცვლება მისი აგრეგატები. შეიცვლება დასასვენებელი სავარძლები, ბაღში მოეწყობა მხატვრული განათება.

როცა ბაღში შემოვდიოდი, ღობეზე იყო წარწერა - „მრგვალი ბაღი წერეთელზე გადავიდა“. დარწმუნებული ვარ, როდესაც სამუშაოები დასრულდება, მართლაც გაუჭირდებათ ამ ბაღის ცნობა“, - განაცხადა კახა კალაძემ.

„მრგვალი ბაღის“ სარეაბილიტაციო სამუშაოებს ამჟამად კომპანია „გრინსერვის ჯგუფი“ ასრულებს, რაც შეეხება განათების მოწესრიგებას, მას „თბილსერვის ჯგუფი“ უზრუნველყოფს.

(NS)

ავტორი: ექსპრესნიუსი,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი