სამოქალაქო კულტურის საერთაშორისო ცენტრმა და ფონდ „ღია საზოგადოება საქართველომ“ სასტუმრო „რადისონში“ ადგილობრივი თვითთმართველობის რეფორმების შეფასების ანგარიში წარადგინეს.

შეხვედრას თბილისის მერი დავით ნარმანია დაესწრო.

როგორც ნარმანიამ აღნიშნა, საქართველოში ადგილობრივი თვითმმართველობის სისტემა ევროპულ სტანდარტებს უახლოვდება.

„ადგილობრივი თვითმმართველობის სისტემა საქართველოში მუდმივად ვითარდებოდა და ახლაც ის ევროპულ სტანდარტებს უახლოვდება. აღსანიშნავია ის ფაქტი, რომ პირდაპირი გზით მოხდა ადგილობრივი თვითმმართველობის არჩევა, გამოიყო ახალი ადგილობრივი თვითმმართველობებიც, რითაც კიდევ უფრო დიდი ნაბიჯები გადაიდგა მათი დამოუკიდებლობისაკენ. ამ ანგარიშში მოცემულია აღნიშნული სისტემის მიერ დღემდე განვლილი ეტაპები, რაც ძალიან საინტერესო პროცესი“, - განაცხადა თბილისის მერმა.

აღნიშნული ანგარიში 2013 წელს დაწყებული პროექტის - „სამოქალაქო საზოგადოება დეცენტრალიზაციისთვის“ - ფარგლებში მომზადდა და მიზნად ისახავს ადგილობრივი თვითთმართველობის რეფორმის მხარდაჭერას, ამ სფეროში არსებული სიტუაციის ანალიზსა და რეფორმების მონიტორინგს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times