ქუთაისში აფეთქების შედეგად დაშავებული 7 ადამიანიდან ორი -  31 წლის მამაკაცი და 10 წლის გოგონა, თბილისის დამწვრობის ცენტრის რეანიმაციულ განყოფილებაში იმყოფება. 

როგორც დამწვრობის ცენტრის ხელმძღვანელი გუგა ქაშიბაძე აცხადებს, ორივე პაციენტის მდგომარეობა სტაბილურად მძიმეა. 

„ზემოთ აღნიშნული შემთხვევიდან ჩვენ კლინიკაში შემოვიდა ორი პაციენტი. ერთი მამაკაცი, 31 წლის, მისი მდგომარეობა საკმაოდ სერიოზულია. 70% აღენიშნება სხეულის თერმული დამწვრობა, დამწვრობითი შოკი, სასუნთქი გზების დაზიანება, მართვით სუნთქვაზე იმყოფება და მეორე, 10 წლის გოგონა, მისი მდგომარეობა შედარებით იოლია, რადგან ფართობია ნაკლები, 25 %, თუმცა სამწუხაროდ, რეანიმაციაშია ისიც მოთავსებული. ორივე მათგანის მდგომარეობა ამ ეტაპისთვის არის სტაბილური, თუმცა ორივე შემთხვევაში საკმაოდ სერიოზული დაზიანებებთან გვაქვს საქმე“, - განაცხადა გუგა ქაშიბაძემ.

შეგახსენებთ, რომ ქუთაისში ერთ-ერთი საცხოვრებელი კორპუსის აფეთქების შედეგად 7 ადამიანი დაშავდა. შსს-ს ინფორმაციით, ცეცხლი ოჯახური კონფლიქტის შედეგად, მიზანმიმართულად გააჩინეს.  გამოძიება 11 პრიმა 19-109 ე მუხლითაა დაწყებული.

ავტორი: ექსპრესნიუსი,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი