თავისუფლების მოედანზე, საკრებულოს შენობასთან „პატრიოტთა ალიანსის“ აქცია მიმდინარეობს.

აქციის მონაწილეები აცხადებენ, რომ მათი მიზანი დავით გარეჯის დაცვაა და მოქალაქეებს აქტიურობისკენ მოუწოდებენ.

აღსანიშნავია, რომ აქციის მონაწილეებს ადგილზე პრორუსული და ანტიდასავლური შინაარსის ბანერები აქვთ მიტანილი, მათ შორის: „ერს სჭირდება ერთმორწმუნე რუსეთი“, „ვირი ხეზე ავა - ჩვენ ნატო-ში შევალთ“ და სხვა.

აქციის პარალელურად „ევროპული საქართველოს“ წარმომადგენლებმა საკრებულოს შენობიდან ბანერი „ნატო აქაურობას“ გადმოფინეს, თუმცა ცოტა ხნის შემდეგ, ბანერი სავარაუდოდ „პატრიოტთა ალიანსის“ მხარდამჭერმა ჩამოხია და ტერიტორიიდან მიიმალა.

თავისუფლების მოედანზე ფრაქცია „საქართველოს პატრიოტების“ წევრებიც იმყოფებიან. ცოტა ხნის წინ, დეპუტატმა ადა მარშანიამ განაცხადა, რომ ამ აქციაზე დგომით „აფხაზეთი ბრუნდება“.

„ყოველ ჩვენს გაბრძოლებას აქვს უდიდესი აზრი. პირველ რიგში ჩვენ-ჩვენი სინდისის წინაშე ვართ მართლები იმიტომ, რომ ამაზე უფრო უზენაესი საქმე, წადილი, რასაც ჰქვია სამშობლოს დაცვა, არც არაფერი არ არის. ეს არის ჩვენი წმინდა მოვალეობა, ეს არის ჩვენი ღვთიური მოვალეობა. ამიტომ ხართ თქვენ, ამიტომ. ჩვენი აქ დგომით აფხაზეთი ბრუნდება, მე ეს ნამდვილად ვიცი“, - აღნიშნა ადა მარშანიამ.

აქციაზე ამ დროისთვის მშვიდი ვითარებაა. ტერიტორიაზე ათობით სამართალდამცველია მობილიზებული.

ავტორი: ექსპრესნიუსი,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი