„არ ვემიჯნები #TbilisiPride -ს, პირიქით მხარს ვუჭერ და აბსოლუტურად ვიზიარებ მათ მიერ დაგეგმილ აქტივობებს!“ - ამის შესახებ facebook-ის საკუთარ გვერდზე  ტრანსგენდერი ქალი სელენა ტატლი ბუხაიძე წერს.

სელენა ტატლი ბუხაიძე ტრანსგენდერი ქალის, გაბრიელა როსკიპოვას იმ განცხადებას გამოეხმაურა, რომლის თქმითაც, ტრანსგენდერი ქალები პატივს სცემენ თბილისი პრაიდს, თუმცა „ღირსების მარშს“ არ შეუერთდებიან.

სელენა ტატლი ბუხაიძის განცხადებით, ტრანსგენდერ ქალთა ნაწილი აპირებს დაგეგმილ ღონისძიებას შეუერთდეს.

„ვეხმაურები ტრანს თემის სახელით გავრცელებულ განცხადებას, პირველ რიგში მკაფიოდ ვაფიქსირებ ჩემს პოზიციას, რომ არ ვემიჯნები #TbilisiPride -ს, პირიქით მხარს ვუჭერ და აბსოლუტურად ვიზიარებ მათ მიერ დაგეგმილ აქტივობებს!

არავის აქვს უფლება, ჩემი სახელით რაიმე აზრი დააფიქსიროს, ამისთვის ვარ მე და თავად უკეთესად შემიძლია გამოვხატო აზრი, თავად უკეთესად შემიძლია გადავწყვიტო რას გავემიჯნო და რას არა! არაფერი მაქვს საწინააღმდეგო იმ ადამიანების მიმართ, ვისაც არ უნდა შეუერთდეს „ღირსების მარშს“, თუმცაღა ეს ინდივიდუალურად გადაწყვიტოს ყველამ და ინდივიდუალურად გამოეთიშოს ამ პროცესს, საქართველოშიც და ემიგრაციაში მყოფი ჩემი მეგობარი ტრანსგენდერი ქალები, არათუ ვემიჯნებით, ვუერთდებით და მაქსიმალურად მხარს ვუჭერთ ჩემი აზრით ძალიან მნიშვნელოვან პროცესებს!

მოხშირდა ძალადობა, ნათქვამია გავრცელებულ განცხადებაში, არ ვიცი რა ინდიკატორებით გაზომეს, მაგრამ მე ვხედავ რომ ჩვენზე ძალადობა ყოველთვის იყო, არის ახლაც და ზუსტად იმიტომ რომ წერტილი დავუსვათ გაუგონარ სისასტიკეს, უნდა გამოვიდეთ კომფორტის ზონიდან და ჩვენი უფლებებისთვის ჩვენვე დავიწყოთ ბრძოლა.

იმ ადამიანებს მინიმუმ მხარდაჭერა გამოვუცხადოთ, რომლებიც საკუთარი სიცოცხლის ფასად მზად არიან ქუჩაში გამოვიდნენ! დარწმუნებული ვარ, წარმოუდგენლად რთულ მდგომარეობაში არიან, რადგან ბოლო 2 თვის მანძილზე არათუ საპატრიარქო და შსს ემიჯნება, არამედ ის ორგანიზაციებიც რომლის იმედიც უნდა გვქონდეს. ჩემი უპირობო მხარდაჭერა #TbilisiPride -ს“, - წერს ტრანსგენდერი ქალი.  

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი