თბილისში გამართულ ღვინის მე-11 საერთაშორისო კონკურსზე International Wine Competition  ოქროს მედალი 26-მა ღვინომ დაიმსახურა. ამასთან ერთად, ვერცხლის მედლით 52 და ბრინჯაოს მედლით 133 ღვინო დაჯილდოვდა. კონკურსზე წარდგენილი იყო როგორც მსხვილი კომპანიების, ასევე მცირე და საოჯახო მარნების, ჯამში  81 კომპანიის წარმოებული 300-ზე მეტი ღვინის ნიმუში.

კონკურსი International Wine Competition ღვინისა და ალკოჰოლური სასმელების მე-12 საერთაშორისო გამოფენის WinExpo Georgia 2019-ის ფარგლებში ჩატარდა.

გამარჯვებულ კომპანიებს ჯილდოები საქართველოს გარემოს დაცვისა და სოფლის მეურნეობის მინისტრის მოადგილემ ხატია წილოსანმა, ღვინის ეროვნული სააგენტოს თავმჯდომარემ ლევან მეხუზლამ და კონკურსის ჟიურის წევრებმა გადასცეს.

ჟიურის წევრებმა ოქროს მედალოსან ღვინოებს შორის 5 გამორჩეული ღვინოც დაასახელეს. კონკურსზე საკუთარი რჩეული ღვინოები რესტორატორებმაც გამოავლინეს. ჟიურის უცხოელმა წევრებმა დადeბითად შეაფასეს ის ფაქტი, რომ მიმდინარე წელს კონკურსში ახალგაზრდა მეღვინეები ფართოდ იყვნენ წარმოდგენილები, ასევე მიესალმნენ მეღვინე ქალბატონების გააქტიურებას ღვინის ინდუსტრიაში.

კონკურსის ჟიურის შემადგენლობაში ღვინის მაგისტრები, ენოლოგები და საერთაშორისო ექსპერტები და ღვინის პროფესიონალები შედიოდნენ. წელს კონკურსის ჟიურის წარმოადგენდნენ: ჟიურის თავმჯდომარე, ღვინის მაგისტრი - ტიმ ატკინი (Tim Atkin, დიდი  ბრიტანეთი), ღვინის მაგისტრი - კენიჩი ოჰაში (Kenichi Ohashi, იაპონია), ღვინის მაგისტრი - ალისტერ კუპერი (Alistair Cooper, დიდი ბრიტანეთი), ღვინის ექსპერტი - მარჩელო რეტამალი (Marcelo Retamal, ჩილე), ოსტატი სომელიე - მეთიუ რობერტ ვილკინი (Matthew Robert Wilkin, დიდი ბრიტანეთი), ენოლოგი - მიხეილ მესხი (საქართველო),  ღვინის ექსპერტი - გიორგი დაქიშვილი  (საქართველო) და  ღვინის ექსპერტი - ნიკა აღდგომელაშვილი (საქართველო).

ღვინისა და ალკოჰოლური სასმელების საერთაშორისო გამოფენა WinExpo Georgia 2019 13-15 ივნისს,  საგამოფენო ცენტრში ,,ექსპო-ჯორჯია" იმართება. კავკასიის რეგიონში ყველაზე მასშტაბური გამოფენაა, სადაც წარმოდგენილია  ღვინისა და ალკოჰოლური სასმელის წარმოებისთვის საჭირო ყველა კომპონენტი - მევენახეობა-მეღვინეობის მანქანა-დანადგარები, სასუქები,  ნერგები,  ტარა და შესაფუთი მასალები, აქსესუარები და სერვისების ფართო სპექტრი. გამოფენაში 12 ქვეყნის 160-მდე კომპანია მონაწილეობს.

WinExpo Georgia-ს ოფიციალური მხარდამჭერები საქართველოს გარემოს დაცვისა და სოფლის მეურნეობის სამინისტრო და ღვინის ეროვნული სააგენტო არიან.  

(NS)

ავტორი: ექსპრესნიუსი,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი