საქართველოს იუსტიციის სამინისტროს სსიპ „დანაშაულის პრევენციის ცენტრის“ ორგანიზებით, პროგრამა „იმიტირებული სასამართლო პროცესების“ ფინალური ტური გაიმართა. სასწავლო წლის დასასრულს, ყველაზე მასშტაბური კონკურსი თბილისში, ივანე ჯავახიშვილის სახელობის თბილისის სახელმწიფო უნივერსიტეტის მხარდაჭერით  ჩატარდა. ფინალში, რომელიც თბილისის საქალაქო სასამართლოში მიმდინარეობდა, მე-9 საჯარო სკოლამ გაიმარჯვა. გამარჯვებული გუნდის წევრებს სიმბოლური თასი და სერტიფიკატები დანაშაულის პრევენციის ცენტრის დირექტორის მოვალეობის შემსრულებელმა ლადო ჯავახიშვილმა და თსუ-ს იურიდიული ფაკულტეტის დეკანმა თამარ ზარანდიამ გადასცეს. პროგრამა სასწავლო წლის განმავლობაში საქართველოს სხვადასხვა ქალაქში ჩატარდა, თუმცა, ფინალურ, ყველაზე მასშტაბურ დასკვნით ეტაპს დედაქალაქმა უმასპინძლა. თბილისში, 27 საჯარო სკოლის 300-ზე მეტი მოსწავლე და იურიდიული ფაკულტეტის მაგისტრატურის საფეხურის 50 სტუდენტი მენტორის ფუნქციით მონაწილეობდა. მოსწავლეები პროცესებზე განასახიერებდნენ როგორც მხარეებს, ისე ნაფიც მსაჯულებს. გამარჯვებული გუნდის გარდა ასევე დასახელდნენ „საუკეთესო ადვოკატები“ და „საუკეთესო პროკურორები, რომლებსაც სპეციალური სერტიფიკატები გადაეცათ.  აღსანიშნავია, რომ პროექტის პირველი ეტაპი თბილისის საქალაქო სასამართლოში 25-26 მაისს მიმდინარეობდა. ჯამში, 14 იმიტირებული პროცესი ჩატარდა. გარდა ამისა, მონაწილეებს ჩაუტარდათ ტრენინგები სამართლებრივი ცნობიერების ამაღლების, სოციალური უნარების, გუნდური მუშაობისა და ლიდერობის შესახებ.

პროგრამა „იმიტირებული სასამართლო პროცესები სკოლის მოსწავლეებისა და სტუდენტებისთვის“ 2015 წლიდან ტარდება და მისი მთავარი მიზანია მესამე და მეოთხე საფეხურის სკოლის მოსწავლეებში, ასევე სტუდენტებში, ხელი შეუწყოს სასამართლო უნარ-ჩვევების გამომუშავებას, ანალიტიკური და კრიტიკული აზროვნების განვითარებას, მართლმსაჯულების და სასამართლოს საქმიანობის შესახებ ცნობიერების ამაღლებას და სხვა.  

(NS)

ავტორი: ექსპრესნიუსი,

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს