არასამთავრობო ორგანიზაცია „საერთაშორისო გამჭვირვალობა – საქართველოს“ მიერ ჩატარებული კვლევების თანხმად, გამოკითხული მოსახლეობის 90% ქვეყნის ციფრულ მაუწყებლობაზე გადასვლის შესახებ ინფორმირებულია, თუმცა, მათი 49% ამ ცვლილებას მოუმზადებელი ხვდება.

როგორც არასამთავრობო ორგანიზაციაში აცხადებენ, სატელევიზიო სიგნალის მისაღებად, გამოკითხული მოსახლეობის 38%–ს აქვს სატელიტური თეფში, 25% კი, საკაბელო მაუწყებლობით სარგებლობდა. 32% სატელევიზიო სიგნალს ანტენით იღებდა, 4% კი, ინტერნეტის საშუალებით იღებს.

„სარგებლობს. როგორც ეროვნულ-დემოკრატიული ინსტიტუტის (NDI) კვლევები აჩვენებს, ტელევიზია დღემდე რჩება ინფორმაციის მთავარ წყაროდ მოსახლეობის უმრავლესობისთვის (87%)“, – ნათქვამია „საერთაშორისო გამჭვირვალობა – საქართველოს“ განცხადებაში.

ამასთან, მათივე ინფორმაციით, მიუხედავად იმისა, რომ 2013 წლის მონაცემებთან შედარებით 4%-ით გაიზარდა ინტერნეტის ყოველდღიურ მომხმარებელთა რიცხვი, დღემდე მოსახლეობის 46% ინტერნეტს არასდროს იყენებს.

საქართველოში ინტერნეტი მის მომხმარებლებს ყველაზე ხშირად სოციალური ქსელებისთვის (75%) და ინფორმაციის მოძიებისთვის (41%) სჭირდებათ.

ცნობისთვის, დღეს, 10:00 საათზე ანალოგური მაუწყებლობა დედაქალაქის სამაუწყებლო ზონაში გაითიშა.

საქართველო დღეიდან ციფრულ მიწისზედა ტელემაუწყებლობაზე გადავიდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გაეროს უშიშროების საბჭო რუსეთს ჯარების გაყვანისა და ოკუპაციის დასრულებისკენ მოუწოდებს

რუსთაველის რეაბილიტაციის გამო კალაძე მოსახლეობას ორთვიანი მოთმინებისკენ მოუწოდებს

ალასკაში ჩარტერული თვითმფრინავის ჩამოვარდნის შედეგად ბორტზე მყოფი 8 პირი დაიღუპა

საწვავის დეფიციტის ფონზე ოკუპირებულ აფხაზეთში რუსეთიდან ბენზინის პარტია შედის