დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელი, ამირან გამყრელიძე ზაფხულის ცხელი დღეების დადგომასთან დაკავშირებით რეკომენდაციებს ავრცელებს.

როგორც გამყრელიძემ აღნიშნა, მაღალი ტემპერატურის დროს განსაკუთრებით მატულობს მწვავე დიარეული დაავადებების შემთხევევები, რაც მისივე განმარტებით, საკვების არასათანადოდ შენახვის და არასათანადოდ შენახული საკვების მიღებითაა გამოწვეული.

"ხშირად დავიბანოთ ხელები გრილი წყლით, ხშირად გავანიავოთ ჩვენი საცხოვრებელი და სამუშაო ადგილი, განსაკუთრებით მაშინ, თუ ტემპერატურა იქნება 25-29 გრადუსზე. განსაკუთრებით საფრთხილოა, თუ ტემპერატურა სახლის შიგნით 25 გრადუსზე ზემოთ იქნება. ამ დროს, როგორც სამუშაო ადგილზე, ისე სახლში, უნდა ჩატარდეს შესაბამისი პროფილაქტიკური ღონისძიებები. მომატებულ ტემპერატურას და გარეთ სიარულს თავი უნდა აარიდონ ხანდაზმულებმა და ბავშვებმა. თუ ივლიან, აუცილებელია, რომ გარკვეული პერიოდი იყვნენ მხოლოდ თაკარა მზეზე და ისიც დიდი ხნის განმავლობაში არა", - განაცხადა ამირან გამყრელიძემ.

მისივე განცხადებით, არასათანადო წყლის პროდუქტების მიღებამ შეიძლება ინფექციური დაავადებების განვითარება გამოიწვიოს.

გამყრელიძე ამბობს, რომ ყველაზე მოწყვლადი მომატებული ტემპერატურის მიმართ ბავშვები და ხანდაზმულები არიან, ასევე სხვადასხვა ქრონიკული დაავადების მქონე ადამიანები, როგორებიცაა - გულსისხლძარღვთა დაავადებები, დიაბეტი და ფილტვის ქრონიკული დაავადებები.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი