საპენსიო სააგენტოს დირექტორი ლევან სურგულაძე აცხადებს, რომ საინვესტიციო პროცესი უახლოეს მომავალში დაიწყება.

როგორც სურგულაძემ აღნიშნა, საინვესტიციო საბჭოს წევრები შერჩეულნი არიან და მათ ვინაობას სპეციალურ ბრიფინგზე დაასახელებენ. 

"დიახ, საინვესტიციო საბჭოს წევრები არჩეული არიან. პრემიერმა დაასახელა, რომ ისინი განსაკუთრებულად მაღალი პროფესიონალიზმის და მაღალი რანგის პიროვნებები არიან. წამყვან ევროპულ ქვეყნებში ისინი წამყვან საინვესტიციო ფონდებს ხელმძღვანელობენ. ჩვენ უახლოეს მომავალში გვექნება სპეციალური ბრიფინგი, სადაც უკვე ამ პიროვნებების სახელებს და სხვა დეტალებს გავაჟღერებთ. შესარჩევმა კომისიამ სრულად დაასრულა პროცედურების კუთხით მუშაობა, შეირჩა 5 კანდიდატი და წარუდგენს პარლამენტს. ესენი არიან საფრანგეთის, ფინეთის, დიდი ბრიტანეთის და საქართველოს მოქალაქეები. ვფიქრობ, საინვესტიციო პროცესი უახლოეს მომავალში დაიწყება, კიდევ რაღაც გარკვეული პროცედურებია, რომელიც აუცილებელია, რონ საინვესტიციო პროცესი დასავლური სტანდარტებით წარიმართოს. დაახლოებით, 230 მილიონია საპენსიო შენატანების სრული მოცულობა, ეს თანხები კომერციულ ბანკებში და ეროვნულ ბანკშია განთავსებული, სადაც ყველგან სარგებელი ერიცხება", - განაცხადა ლევან სურგულაძემ.

ავტორი: ექსპრესნიუსი,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი