21:39 - 17 May, 2026
ჩვენ შესახებ რეკლამა/ხელმოწერა
2019-05-28 14:32:33, 5044 ნახვა

საზოგადოება
ჭიდაობის ეროვნული ნაკრები სოჭში, რუს მოჭიდავეებთან ერთად ემზადება

საქართველოს ჭიდაობის ეროვნული ნაკრები რუსეთის ფედერაციაში შეკრებაზე იმყოფება. 
„ექსპრესნიუსის“ ინფორმაციით, თავისუფალი სტილით მოჭიდავეთა ნაკრები 19 მაისს სოჭში გაემგზავრა, მათი ვიზიტი ბიუჯეტს 170 ათასი ლარი დაუჯდა, ხოლო მათ 26 მაისს მათ ბერძნულ-რომაული სტილით მოჭიდავეთა ნაკრები შეუერთდა. ქართველი მოჭიდავეები ერთობლივ წვრთნებს რუსეთის ეროვნული ნაკრების მოჭიდავეებთან გადიან. 
აღსანიშნავია, რომ 2008 წლის რუსეთის აგრესიის შემდეგ, ეროვნული ნაკრების გუნდები რუსეთში პირველად გაემგზავრნენ. 

ბერძნულ რომაულ ნაკრებს ჭიდაობის ეროვნული ფედერაციის პრეზიდენტის გეგა გეგეშიძის ძმა ვლადიმერ გეგეშიძე ხელმძღვანელობს. შეგახსენებთ, ვლადიმერ გეგეშიძე კორცხელის ინციდენტში მონაწილეა, რის გამოც მას სასამართლომ ბრალი ხულიგნობის მუხლით წაუყენა.
საქართველოს განათლების, მეცნიერების, კულტურისა და სპორტის მინისტრის მოადგილეს შალვა გოგოლაძეს „ექსპრესნიუსმა“ კითხა, რა აუცილებლობა იყო, ჭიდაობის ეროვნული ნაკრები ორკვირიან შეკრებაზე სოჭში გამგზავრებულიყო. 
მინისტრის მოადგილის თქმით, რუსეთის ნაკრებთან ერთად მომზადება ქართველი მოჭიდავეებისთვის დიდი გამოცდილებაა. 
„დღეს დღეობით რუსეთი არის ნომერ პირველი ნაკრები მსოფლიოში. ასეთი შედეგიანი ნაკრები არ არსებობს, მათ კარგი ბაზა აქვთ სოჭში და მთელი მსოფლიო იქ აკეთებს საერთაშორისო კემპებს. მიღებული წესია ჭიდაობის საზოგადოებაში ერთობლივი კემპები, ამიტომ ახლა რუსეთში ბევრი ერონული ნაკრები იმყოფება. ძირითადი თამაშების წინ, ერთობლივი კემპინგი რუსეთის ეროვნულ ნაკრებთან ცუდი გამოცდილება არაა. განვმეორდები, ორ კვირაში გველოდება მაგარი ოლიმპიადა, სადაც რუსეთსაც მოვუგებთ და დანარჩენ მეტოკეებსაც", - განაცხადა შალვა გოგოლაძემ. 
აღსანიშნავია, რომ ამ დღეებში საქართველოს და რუსეთის ნაკრების გარდა, სოჭში არცერთი სხვა მსოფლიო ნაკრები არ იმყოფება. ამის შესახებ ინფორმაცია რუსეთის ფედერაციის ჭიდაობის ეროვნული ნაკრების საიტზეა გამოქვეყნებული. გარდა ამისა სოჭში შეკრების ბაზა არ არსებობს, არის ხოლოდ დარბაზი, რომელსაც „აიზბერგი“ ჰქვია და სადაც 4-7 ივნისს თავისუფალ ჭიდაობაში რუსეთის ჩემპიონატი იმართება.

ფოტო შეკრებიდან რუს მოჭიდავეებთან ერთად

მეორე ფოტოზე: ვლადიმერ ხინჩეგაშვილი რუსეთის ჭიდაობის ეროვნული ნაკრების წევრებთან ერთად
 





ავტორი: ირაკლი მანაგაძე , ექსპრესნიუსის რეპორტიორი 2009 წლიდან


სოციალური ქსელები
თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ
SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა
ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას
შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics