სტეფანწმინდა ჩვენი ქვეყნის ბუნებრივი კარიბჭეა და მას უდიდესი სტრატეგიული მნიშვნელობა აქვს,-განაცხადა ფინანსთა მინისტრმა ივანე მაჭავარიანმა სტეფანწმინდაში, „ყაზბეგის" საბაჟო გამშვებ პუნტზე, საქართველოს დამოუკიდებლობის დღისადმი მიძღვნილ საზეიმო ღონისძიებაზე სიტყვით გამოსვლისას. 

მან განსაკუთრებული ყურადღება გაამახილა რეგიონისა და აქ მაცხოვრებელთა ისტორიულ როლსა და მნიშვნელობაზე ჩვენი ქვეყნისთვის.   

"თითოეული ქართველი ვალშია აქაურთა წინაშე, ვინც  არ მიატოვა ეს ულამაზესი კუთხე, უძლებს ყველა გაჭირვებას, ბუნების სიმკაცრეს და ფხიზლად დარაჯობს ჩვენი ქვეყნის კარიბჭეს... მადლობა ამისთვის,'' - აღნიშნა ივანე მაჭავარიანმა. 

ფინანსთა მინისტრმა, ასევე, განსაკუთრებული მადლობა გადაუხადა ფინანსთა სამინისტროს თითოეულ თანამშრომელს გაწეული სამსახურისა და მაღალი პროფესიონალიზმისთვის.  
„მადლობა ჩვენს დღევანდელ მასპინძლებს, „ყაზბეგის" საბაჟო-გამშვები პუნქტის თანამშრომლებს და მათთან ერთად, ყველა მათ კოლეგას მთელ ქვეყანაში, სამინისტროს თითოეულ თანამშრომელს, ვინც პროფესიონალიზმითა და საქმისადმი ერთგულებით ემსახურება ჩვენი ქვეყნის თავისუფლებასა და განვითარებას. დღეს ჩვენი სახელმწიფო განსაკუთრებულ პატივს მიაგებს არაერთ მათგანს. ვისურვებდი, რომ დღევანდელი მათი დაჯილდოება აღვიქვათ, როგორც დაფასება იმ ღირსებებისა, რომელიც ყველა ჩვენგანისათვის სამაგალითო უნდა იყოს", - აღნიშნა ფინანსთა მინისტრმა.

საქართველოს დამოუკიდებლობის დღისადმი მიძღვნილი საზეიმო ღონისძიება ამ წუთებში „ყაზბეგის" საბაჟო გამშვები პუნქტის მიმდებარე ტერიტორიაზე მიმდინარეობს.
  
26 მაისის ღონისძიებებში ჩართულია ყველა სახელმწიფო სტრუქტურა და მათ კოორდინაციას უწვევს საქართველოს მთავრობის ადმინისტრაცია. 

26 მაისი - საქართველოს დამოუკიდებლობის დღე  ჩვენი ქვეყნის ყველა მოქალაქეს აერთიანებს. სწორედ ამიტომ, ამ დღის სლოგანია „ეს დღე ჩვენია". 

2019 წელს დამოუკიდებლობის დღე ეძღვნება ცოდნის გაზიარებას და მის მნიშვნელობას. ცოდნას, როგორც მამოძრავებელ ძალას, როგორც გზას, რომელსაც თავისუფლებამდე მივყავართ.

ავტორი: ექსპრესნიუსი,

სოციალური ქსელები

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი

დიუშენის დაავადების მქონე ბავშვების მშობლები: „გადავარჩინოთ ჩვენი შვილები“