26 მაისს, საქართველოს დამოუკიდებლობის დღისადმი მიძღვნილი ღონისძიებები, მთელი საქართველოს მასშტაბით, ერთიანი კონცეფციით „ცოდნას მივყავართ თავისუფლებამდე”  იმართება.

საზეიმო ღონისძიებების ფარგლებში, გარემოს დაცვისა და სოფლის მეურნეობის სამინისტრო, ქალაქ თბილისში, რუსთაველის გამზირზე  მოწყობილ სტენდზე ორ განსხვავებულ კუთხეს - მწვანე სივრცესა და ღვინის კუთხეს წარმოადგენს.

მწვანე სივრცის კონცეფცია გარემოსდაცვით განათლებასა და ცოდნის გაზიარებას ეფუძნება და აერთიანებს შემეცნებით, საინფორმაციო და გასართობ სივრცეებს. სტენდის სტუმრებს საშუალება ექნებათ მონაწილეობა მიიღონ საგანმანათლებო და გარემოსდაცვით აქტივობებში, თამაშებსა და ვიქტორინებში, გაეცნონ გარემოს დაცვის თემატიკაზე შექმნილ ინსტალაციებს და კონსტრუქციებს. სპეციალურად მოწყობილ სივრცეში, ვირტუალური რეალობის სათვალეების გამოყენებით, მოქალაქეებს შესაძლებლობა მიეცემათ იმოგზაურონ  ოკაცეს, კოლხეთის, მაჭახელას, მტირალას, მარტვილის, ალგეთის და ვაშლოვანის ეროვნულ პარკებსა და დაცულ ტერიტორიებზე.  

გარემოს დაცვისა და სოფლის მეურნეობის სამინისტროს სტენდზე  მეღვინეობის 8 000-წლიან ისტორიას გააერთიანებს ღვინის კუთხე, სადაც წარმოდგენილი იქნება არქეოლოგიური გათხრების შედეგად აღმოჩენილი ღვინის ჭურჭელი და საინფორმაციო მასალა მეღვინეობის უწყვეტი ტრადიციის შესახებ. სივრცეში საკუთარ პროდუქციას წარმოდგენს  რვა ახალგაზრდა, წარმატებული მეღვინე, რომლებიც  სტუმრებს მეღვინეობის დარგში  საკუთარ გამოცდილებას გაუზიარებენ. სტენდის სტუმრებს საშუალება ექნებათ დააგემოვნონ და შეიძინონ სხვადასხვა სახის ქართული ღვინო.

17:10 სთ-ზე, ზუსტად იმ დროს, როდესაც 1918 წელს საქართველოს დამოუკიდებლობა გამოცხადდა, მთელი ქვეყნის მასშტაბით, საქართველოს ჰიმნი შესრულდება. გარემოს დაცვისა და სოფლის მეურნეობის სამინისტროს სტენდზე ეროვნულ ჰიმნს სმენადაქვეითებული მუსიკოსებისგან შემდგარი გუნდი ჟესტების ენაზე შეასრულებს.

საქართველოს დამოუკიდებლობის დღისადმი მიძღვნილი ღონისძიებების ფარგლებში, გარემოს დაცვისა და სოფლის მეურნეობის სამინისტრო სტენდებს ქალაქებში ოზურგეთსა და ახალციხეშიც მოაწყობს. სტენდებზე წარმოდგენილი იქნება საქართველოს კონკრეტული რეგიონებისთვის დამახასიათებელი და გამორჩეული პროდუქცია -  ღვინო, ყველი, ჩაი, თაფლი და სხვ. მოეწყობა საინფორმაციო სტენდები ეროვნული პარკების და დაცული ტერიტორიების  შესახებ, გაიმართება შემეცნებითი ლექცია-სემინარები და  ხალხური რეწვის ნიმუშების გამოფენა-გაყიდვა.

NS

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი

დიუშენის დაავადების მქონე ბავშვების მშობლები: „გადავარჩინოთ ჩვენი შვილები“