2019-05-25 10:01:24, 916 ნახვა
საზოგადოება
მთაწმინდის ოლქში შუალედური არჩევნების მეორე ტური, სავარაუდოდ, 9 ივნისს გაიმართება
მთაწმინდის ოლქში შუალედური არჩევნების მეორე ტური, სავარაუდოდ, 9 ივნისს გაიმართება.
ამის შესახებ ინფორმაციას ცენტრალურ საარჩევნო კომისია ავრცელებს.
„24 მაისს, კომისიაში გამართულ სხდომაზე, მეორე ტურის სავარაუდო თარიღად 9 ივნისი დასახელდა. ცენტრალური საარჩევნო კომისია, საარჩევნო კანონმდებლობის შესაბამისად, მეორე ტურის თარიღს ოფიციალურად 19 მაისის პარლამენტის შუალედური არჩევნების შედეგების შეჯამების შემდეგ გამოაცხადებს. შეგახსენებთ, რომ საარჩევნო კანონმდებლობის თანახმად, არჩევნების მეორე ტური იმართება პირველი ტურიდან არაუგვიანეს 25-ე დღისა (საქართველოს საარჩევნო კოდექსი, მუხლი 126)“, - ნათქვამია ცესკოს განცხადებაში.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
