შპს „მარაბდა-კარწახის რკინიგზასა“   და ა(ა) იპ „სარკინიგზო ტრანსპორტის კოლეჯს“  შორის  ურთიერთანამშრომლობის შესახებ მემორანდუმს მოეწერა ხელი.

მხარეებს შორის გაფორმებული მემორანდუმის  თანახმად,  კოლეჯის კურსდამთავრებულებს, რომელთაც გააჩნიათ სათანადო ცოდნა და  გამოცდილება, სწავლის დასრულების შემდეგ, საშუალება მიეცემათ გაიარონ სტაჟირება კომპანიაში  შემდგომი დასაქმების პერსპექტივით. სარკინიგზო ტრანსპორტის კოლეჯში სწავლება დუალური საგანმანათლებლო პროგრამით მიმდინარეობს.

,,ჩვენ ხელი მოვაწერეთ ურთიერთთანამშრომლობის მემორანდუმს, რომლის მიხედვითაც კოლეჯის კურსდამთავრებულები შეძლებენ თეორიული ცოდნა გაამყარონ პრაქტიულ საქმიანობაში. პრაქტიკული გამოცდილება კი მნიშვნელოვანი ფაქტორია კონკურენტულ გარემოში სამუშაოდ, ”- განაცხადა შპს „მარაბდა-კარწახის რკინიგზის“ წარმოადგენელმა.

„სარკინიგზო ტრანსპორტის კოლეჯის“ ხელმძღვანელი მანანა მოისწრაფიშვილი   მემორანდუმის გაფორმებას მნიშვნელოვან გადაწყვეტილებად აფასებს და მიიჩნევს, რომ   საგანმანათლებლო და სასერთიფიკატო პროგრამების გავლის შემდეგ, რასაც კოლეჯი სტუდენტებს სთავაზობს,  კომპანიას  პროფესიული კადრებით უზრუნველყოფს.

 შეგახსენებთ, რომ 2015 წელს სს ,,საქართველოს რკინიგზის“, საქართველოს განათლების, მეცნიერების, კულტურისა და სპორტის სამინისტროსა და სსიპ ,,საქართველოს ტექნიკური უნივერსიტეტის“  მიერ სარკინიგზო ტრანსპორტის კოლეჯი დაფუძნდა.

კოლეჯის მიზანია, სარკინიგზო სპეციალობების პოპულარიზაცია და შრომის ბაზრის მოთხოვნათა გათვალისწინებით  ქვეყანაში ერთ-ერთი უმსხვილესი კომპაანიის - „საქართველოს რკინიგზისთვის“ პროფესიონალი კადრების მომზადება. თავის მხრივ, „საქართველოს რკინიგზა“ სრულად არის ჩართული   პროფესიული პროგრამების მომზადება/გადამუშავებაში, სათანადო ინვენტარისა და აღჭურვილობების, თანამედროვე სიმულატორების, სასწავლო და საგამოცდო მასალების შეძენასა და  პროფესიულ მასწავლებელთა გადამზადების საკითხებსა და სხვა აქტივობაში.

(R)

ავტორი: ექსპრესნიუსი,

სოციალური ქსელები

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი

დიუშენის დაავადების მქონე ბავშვების მშობლები: „გადავარჩინოთ ჩვენი შვილები“