„გამორიცხული არ არის, რომ მოხდეს დაკავება“, - ამის შესახებ პანკისის სპეცოპერაციის დროს მოკლული თემირლან მაჩალიკაშვილის მამის, მალხაზ მაჩალიკაშვილის ადვოკატმა, მარიამ კუბლაშვილმა განაცხადა.

როგორც მან აღნიშნა, სუს-ში დღეს მალხაზ მაჩალიკაშვილი არის უბრალოდ მოწმის სტატუსით დაბარებული და მხარეს არ წარმოადგენს, შესაბამისად, არ აქვს უფლება, რომ მოითხოვოს მოსამართლის თანდასწრებით დაკითხვა.

„გამორიცხული არ არის, რომ მოხდეს დაკავება. თუმცა ჩემი შინაგანი რწმენა მაქვს, რომ მას არ დააკავებენ. მაჩალიკაშვილის დაკავება იმ მტკიცებულებების გათვალისწინებით, რაც ჩვენ ვნახეთ და იმ მასალის გათვალისწინებით, რაც მე მაქვს ინფორმაცია, არ არსებობს. მოწმის დაკითხვის წესს ითვალისწინებს სსკ-ს 114-ე მუხლი. აქ საუბარია მხარეებზე. დავის მხარეს და ბრალდების მხარეს თანაბრად შეუძლიათ მოითხოვონ მოწმის მაგისტრანტი მოსამართლის მიერ დაკითხვა, თუმცა მალხაზ მაჩალიკაშვილი აქ არ არის გამოცხადებული როგორც მხარე, მის მიმართ არ არის ბრალი წაყენებული. იგი არის მოწმის სტატუსით. მოწმე არ არის მხარე პროცესში და შესაბამისად, ვერ მოვითხოვთ მის დაკითხვას მაგისტრანტი მოსამართლის მიერ. იმ შემთხვევაში თუ მისი მისამართით იქნება ბრალი წაყენებული, თავისთავად ცხადია ჩვენ მივმართავთ, ჩვენთვის უკეთესია და ცხადია, რომ საჭირო და აუცილებელია, რომ მალხაზ მაჩალიკაშვილის დაკითხვა მოხდეს სასამართლო წესით. მეტად გამჭვირვალე პროცესია, მეტად საშუალება გვექნება დაცვის მხარეს, რომ ავიცილოთ ის კითხვები, რომელიც არარელევანტურია და არ არის შემხებლობაში საქმის ფაქტობრივ და არსებით გარემოებებთან და ამავდროულად ავიცილებთ იმ ემოციურ ფონს, რასაც მალხაზ მაჩალიკაშვილი ამ შენობაში შესვლის შედეგად იღებს“, - აღნიშნა მარიამ კუბლაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საია: საქართველო 17 მაისს ლგბტქი უფლებებთან დაკავშირებული მწვავე დისკუსიებისა და კრიტიკის ფონზე ხვდება

სამებაში ოჯახის სიწმინდეს რეჟიმის წარმომადგენლები აღნიშნავენ

ცოტნე ივანიშვილი -ქართული საზოგადოება მტკიცედ დგას, ქართული სამშობლოს სუვერენიტეტს

კაცი მარკეტში შეიჭრა, მოლარე სცემა და მაღაზია გაქურდა, იგი პოლიციამ დააკავა