საქართველოს საგარეო საქმეთა სამინისტრო უკიდურეს შეშფოთებას გამოხატავს 2015 წლის 26 ივნისს ქუვეითში, ტუნისსა და საფრანგეთში სამოქალაქო პირების მიმართ განხორციელებულ განსაკუთრებული სისასტიკით ჩადენილ ტერორისტულ აქტებთან დაკავშირებით, რასაც მრავალი უდანაშაულო ადამიანის სიცოცხლე ემსხვერპლა, - ამის შესახებ უწყების განცხადებაშია აღნიშნული.

ქართული მხარე საგანგაშოდ მიიჩნევს უკანასკნელ პერიოდში მსოფლიოში განხორციელებული ტერორისტული აქტების ზრდის ტენდენციას, მათ შორის ტერორისტული ორგანიზაცია "ისლამური სახელმწიფო ერაყსა და ლევანტის"(ISIL) მიერ ჩადენილ განსაკუთრებული სისატიკის დანაშაულებს, როგორც ახლო აღმოსავლეთის რეგიონში, ასევე მსოფლიოს სხვადასხვა ადგილებში.

„ვიმედოვნებთ, მსოფლიო კიდევ უფრო გაააქტიურებს ძალისხმევას ამ გამოწვევის დასაძლევად და  მივიჩნევთ, რომ  საერთაშორისო თანამეგობრობა უნდა იყოს ერთიანი  რეაგირებისას, რათა არ გაიმარჯვოს ტერორისტების მცდელობამ, რელიგიური და კონფესიური ნიშნით განხეთქილება შეიტანონ ცივილიზებულ სახელმწიფოებს შორის.

საქართველოს საგარეო საქმეთა სამინისტრო უსამძიმრებს ტერაქტების შედეგად დაღუპულთა ოჯახებს და სოლიდარობას  უცხადებს ქუვეითის, ტუნისის, საფრანგეთისა და იმ ქვეყნის მთავრობებს, რომელთა მოქალაქეების სიცოცხლეც შეეწირა ტერორისტულ თავდასხმებს“, - ნათქვამია განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times