ფოთის მერი ირაკლი კაკულია, ფოთელ მორაგბეებს ზურაბ ჟვანიასა და დიმიტრი ბასილაიას შეხვდა. წარმატებული ფოთელი სპორტსმენები, ფოთის სარაგბო სკოლის აღზრდილები არიან და ამჟამად სარაგბო კარიერას საფრანგეთში აგრძელებენ. ზურაბ ჟვანია საფრანგეთის ჩემპიონატის ელიტური-პირველი დივიზიონის გუნდის „სტად ფრანსეს“ წევრია, ხოლო დიმიტრი ბასილაია „პერპიანში“ გამოდის.

ქალაქის მერმა და წარმატებულმა ფოთელმა მორაგბეებმა, ფოთში რაგბის შემდგომი განვითარების საკითხებზე იმსჯელეს. აღინიშნა, რომ რაგბის ახალი სტადიონი არის შესანიშნავი საჩუქარი ქალაქისა და ფოთელი რაგბის მოყვარულთათვის, სადაც მომავალში თაობები აღიზრდებიან. ქალაქ ფოთში 2012 წელს "ქართუ ჯგუფის" ფინანსური მხარდაჭერით რაგბის სტადიონის მშენებლობას ჩაეყარა საფუძველი, რომელსაც ასოციაცია "ატუ" ახორციელებს. მშენებლობის ძირითადი ნაწილი შესრულებულია, პროექტის ფარგლებში აშენდა ბუნებრივი და ხელოვნურ საფარიანი სტადიონები, რომელიც ჯამში სამი ათას მაყურებელზეა გათვლილი. კეთილმოეწყო მიმდებარე ტერიტორია, სამუშაოებში 4 მილიონი ლარი დაიხარჯა. ქალაქში წარმატებით ფუნქციონირებს რაგბის სკოლა, სადაც 6 ასაკობრივ ჯგუფში 165 სპორტსმენი უფასოდ ეუფლება სპორტის ამ პოპულარულ სახეობას. რაგბის სკოლა ადგილობრივი ბიუჯეტიდან 92.000 ლარით ფინანსდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times