დაგროვებით საპენსიო სისტემაში ამ დროისთვის სულ 747 774 ადამიანია გაწევრიანებული, საიდანაც 187 472 საჯარო სექტორში მომუშავეა, 581 439 კერძო სექტორში, ხოლო 11 201 ორივეში.

ამის შესახებ საპენსიო სააგენტოს დირექტორმა ლევან სურგულაძემ დარგობრივი ეკონომიკისა და ეკონომიკური პოლიტიკის კომიტეტის სხდომაზე განაცხადა.

როგორც მან აღნიშნა, იმ ადამიანთა რაოდენობა, რომლებსაც სურვილის შემთხვევაში სისტემის დატოვება შეუძლიათ (40 წელს ზემოთ ასაკის) 294 852-ს შეადგენს, ხოლო მათი, ვინც სისტემა უკვე დატოვა - 2 915-ს.

„სულ უნიკალური გასვლის უფლების მქონე ადამიანი არის 294 852 მონაწილე. აქედან კერძო სექტორში არის 228 006, საჯარო სექტორიდან რჩება 78 047 ადამიანი, ხოლო საჯარო და კერძო სექტორიდან 11 201  ადამიანი.

ამ ეტაპზე სულ გასული ადამიანების რაოდენობა გახლავთ 2 915 ადამიანი. ეს 747 774-დან არის დაახლოებით 0.3-0.4%. კერძო სექტორიდან გასული ადამიანების რიცხვი არის 433, ხოლო საჯარო სექტორიდან - 2 712 და საჯარო და კერძოდან, რომლებიც ორივეში მუშაობენ არის 230 ადამიანი.

სულ საპენსიო სქემაში ჩართულია 49 535 კერძო კომპანია. ფონდის ღირებულება ამ ეტაპზე არის 145 573 875 ლარი, მათ შორის დარიცხული სარგებელი ამ ეტაპზე არის 784 313 ლარი, ხოლო სულ საპენსიო შენატანები და სარგებელი ერთად არის 174 047 572“, - განაცხადა ლევან სურგულაძემ.

ავტორი: ექსპრესნიუსი,

სოციალური ქსელები

Bloomberg - ევროპამ უარი თქვა რუსეთის უსაფრთხოების მოთხოვნების განხილვაზე მანამ, სანამ უკრაინაში ომი არ დასრულდება

რომელი ქვეყნების მოქალაქეები დეპორტირდნენ საქართველოდან ყველაზე ხშირად 2026 წელს?

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ