|
2019-04-11 16:44:43, 1385 ნახვა
საზოგადოება
ეროვნული არქივის კინოთეატრში ხვალ ფილმების რეტროსპექტივა - „ფრანგული კინო: ახალი ტალღა, ახალი თაობა“ გაიხსნება
საქართველოს იუსტიციის სამინისტროს ეროვნული არქივის კინოთეატრში 12 აპრილს 19:00 საათზე გაიხსნება ფილმების რეტროსპექტივა სახელწოდებით „ფრანგული კინო: ახალი ტალღა, ახალი თაობა". რეტროსპექტივის ფარგლებში მაყურებელი რვა მხატვრულ და დოკუმენტურ ფილმს მაღალი ხარისხით, ორიგინალის ენაზე, ქართული და ინგლისური სუბტიტრებით იხილავს. ღონისძიება იმართება საქართველოს ეროვნული არქივის, თბილისისა და პარიზის ფრანგული ინსტიტუტების, ასევე საქართველოში საფრანგეთის საელჩოს თანამშრომლობით. ღონისძიებას გახსნიან საქართველოს ეროვნული არქივის დირექტორი თეონა იაშვილი, თბილისის ფრანგული ინსტიტუტის დირექტორი პიერ კლუე და რეტროსპექტივის კურატორი ნინო ძანძავა. 1950-იანი წლებში ფრანგულ კინოში გამოჩნდა რეჟისორთა ახალი თაობა, რომელთა ნაწილი პირდაპირ მიეკუთვნება „ახალ ტალღას" ან ასოცირებულია ფრანგული კინოს ნოვატორულ მიმართულებებთან. არქივის კინოთეატრში ნაჩვენები იქნება ფრანსუა ტრიუფოს, ლუი მალის, ჟან-ლუკ გოდარის, ჟან რუშის, ედგარ მორენის, ჟაკ რივეტის, კრის მარკერის, ანიეს ვარდას და სხვა რეჟისორთა ფილმები, რომლებმაც განსაზღვრეს საეტაპო ცვლილებები ფრანგულ მხატვრულ და დოკუმენტურ კინემატოგრაფში. 12 აპრილიდან 23 აპრილის ჩათვლით ნაჩვენები იქნება: „ლიფტი ეშაფოტზე" (1957), „400 დარტყმა" (1959), „ერთი ზაფხულის ქრონიკა" (1960), „პარიზი ჩვენ გვეკუთვნის" (1961), „ჟიული და ჯიმი" (1961), „ზიზღი" (1963), „შეშლილი პიერო" (1965), „ვიეტნამისგან შორს" (1967). სულ გაიმართება 16 სეანსი. დასწრება თავისუფალია.
(NS)
|
რედაქტორის რჩევით
ოცნების რეჟიმმა მხარი არ დაუჭირა იმ ადამიანის გასამართლებას, ვინც 412 ქართველის მოკლა და ანწუხელიძე აწამა
„ქართული ოცნების“ ღია ნაცისტური ჰომოფობიუფრი კამპანია, ტყუილები, მითები და დაშინება, ეკლესიის ჩართულობით
ომი უკრაინაში
რუსეთმა ლიმანის „ცეცხლოვანი კერის“ აღების შესახებ წელს მეორედ გამოაცხადა
კიევში გლოვის დღე გამოცხადდა, ბოლო ცნობით, რუსული რაკეტის თავდასხმისას 24 ადამიანი გარდაიცვალა
ვიდეო/LIVE პატრიარქის ილია მეორის დაკრძალვა - პირდაპირი
„ქართული ოცნების“ ღია ნაცისტური ჰომოფობიუფრი კამპანია, ტყუილები, მითები და დაშინება, ეკლესიის ჩართულობით
მთავარი თემა
|


ავტორი: ექსპრესნიუსი,



epn.ge (@expressnews.ge)