„როდესაც ინვესტორებთან ვლაპარაკობთ ინვესტიციების მოზიდვაზე, ერთ-ერთი პირველი ფაქტორი, რასაც ისინი ყურადღებას აქცევენ, არის კვალიფიცირებული მუშახელის არსებობა ქვეყანაში. საუბარია ისეთი პროფესიის ადამიანებზე, როგორიც არის, მაგალითად, დურგალი, შემდუღებელი, ტექსტილის წარმოების სპეციალისტი, რემონტების სფეროს სპეციალისტები - ანუ კვალიფიკაცია ძირითადად ეხება პროფესიულ განათლებას. შესაბამისად,  გვჭირდება ძალიან დიდი ძალისხმევა და ენერგია, რომ გარდატეხა მოვახდინოთ იმ ტენდენციაში, რომელიც დღეს გვაქვს და პროფესიული განათლება გახდეს საქართველოში კარიერის შექმნის ერთ-ერთი ყველაზე პოპულარული გზა“, - ამის შესახებ საქართველოს ეკონომიკისა და მდგრადი განვითარების მინისტრმა, გიორგი ქობულიამ პროფესიული განათლების გამოფენის „გაიცანი პროფესია" გახსნის ღონისძიებაზე განაცხადა.

გიორგი ქობულიამ თავის შესავალ სიტყვაში აქცენტი გააკეთა საქართველოს მთავრობის მისწრაფებაზე, რომ პროფესიული განათლების განვითარების ხელშეწყობა და დაფინანსება, როგორც ერთ-ერთი მნიშვნელოვანი პრიორიტეტი, წარმატების, დასაქმებისა და უკეთესი შემოსავლის მიღების შესაძლებლობა გახდეს ჩვენი მოქალაქეებისთვის.

მისი თქმით, მთავრობა ხედავს, თუ რამდენად დიდია  პროფესიული საგანმანათლებლო დაწესებულებების კერძო სექტორთან ურთიერთობის სულისკვეთება.

„თუმცა,  გვჭირდება უფრო მეტი, რადგან ჩვენი სტრატეგიის კიდევ ერთი მნიშვნელოვანი ასპექტი არის ის, რომ პროფესიული განათლება მივცეთ ადამიანებს იმ სფეროებში, რომლებიც მოთხოვნადია კერძო სექტორის მიერ. ამიტომ კერძო სექტორთან ურთიერთობა არის კრიტიკულად მნიშვნელოვანი დასახული მიზნების მისაღწევად" - განაცხადა გიორგი ქობულიამ.

გამოფენაზე, რომელიც საქართველოს სავაჭრო-სამრეწველო პალატისა და საზოგადოებრივი კოლეჯ „სპექტრის" ორგანიზებით მოსწავლე-ახალგაზრდობის ეროვნულ სასახლეში გაიმართა,  საქართველოში დუალური განათლების პერსპექტივები და გამოწვევები განიხილეს. ღონისძიების ფარგლებში გაიმართა პრეზენტაცია „პროფესიული განათლება წარმატებისთვის-გაიცანი პროფესია“, ასევე შედგა  მემორანდუმების ხელმოწერის ცერემონია სახელმწიფოსა და პროფესიულ სასწავლებლებს შორის. გამოფენის გახსნას საქართველოს სავაჭრო-სამრეწველო პალატის პრეზიდენტი  ნინო ჩიქოვანი და საზოგადოებრივი კოლეჯის „სპექტრის" დირექტორი მათე ტაკიძე ესწრებოდნენ.

(NS)

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

რომელი ქვეყნების მოქალაქეები დეპორტირდნენ საქართველოდან ყველაზე ხშირად 2026 წელს?

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა