ბოკუჩავა იზორიას: ეთანხმებით თუ არა ზურაბიშვილს, რომ საქართველოს შეიარაღებულმა ძალებმა დაბომბეს ცხინვალი?!

2019-04-04 14:39:28, 1400 ნახვა

პოლიტიკა

მიკიბვ-მოკიბვის გარეშე გვიპასუხეთ, ეთანხმებით თუ არა სალომე ზურაბიშვილს, რომ საქართველოს შეიარაღებულმა ძალებმა დაბომბეს ცხინვალი, - ამ კითხვით ენმ-ს წევრმა, თინა ბოკუჩავამ თავდავცის მინისტრს ლევან იზორიას მიმართა, პლენარულ სხდომაზე, სადაც „მინისტრის საათი“ მიმდინარეობს.

ბოკუჩავამ ასევე მინისტრს ჰკითხა, რატომ ვერ გახდა „დელტა“ რენტაბელური პროექტი, როცა ის სამხედრო ტექნიკას 2012 წელსაც კი აწარმოებდა.

რატომ დაშალეთ და მოკვეთეთ ბრიგადიდან მე-4 ბრიგადის 41-ე ბატალიონი, რომელშიც მსახურობდა გმირი გიორგი ანწუხელიძე. ხომ არ იყოს ეს პირდაპირ რუსთის დავალება იმიტომ რომ, სწორედ ამ ბრიგადამ მიაყენა გენერალ ხრიულოვს ჭრილობა და ამისთვის ხომ არ იყო რუსეთისგან დავალებული, რომ ეს ბრიგადა დასჯილიყო.

ეთანხმებით თუ არა საქართველოს უმაღლეს მთავარსარდალს, სალომე ზურაბიშვილს, რომ საქართველოს შეიარაღებულმა ძალებმა დაბომბეს მძინარე ცხინვალი - ან კი ან არა. ძალიან გთხოვთ, მიკიბვ-მოკიბვის გარეშე გვიპასუხოთ“, - მიმართა ბოკუჩავამ იზორიას.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან