„საქართველოს ბანკი“ ბიზნესის მხარდაჭერას განაგრძობს. King David-ის მრავალფუნქციურ კომპლექსში პირველი დეველოპერული პროექტი გაიხსნა. საქართველოში პირველი ორ-დონიანი მექანიზებული პარკინგი ქალაქში ავტოპარკინგის პრობლემის მოგვარებას მნიშვნელოვნად შეუწყობს ხელს. მრავალდონიანი მექანიზებული ავტოსადგომების შექმნა სრულად პასუხობს ქალაქში არსებულ გამოწვევებს.

„საქართველოს ბანკი“ მოხარულია, რომ არის ისეთი მნიშვნელოვანი პროექტის თანამონაწილე და ფინანსური პარტნიორი, როგორიც King David-ია. საქართველოს ბანკი მხარს უჭერს   ეკონომიკურად გამართული პროექტების განხორციელებას, რადგან სწორედ ასეთი პროექტები  უწყობს ხელს ქვეყნის ეკონომიკის განვითარებას.  King David-ის ეს პროექტი  მნიშვნელოვანია, რადგან  ქალაქში არსებულ პარკინგის პრობლემის მოგვარებას უწყობს ხელს, რაც ქალაქს მოძრაობის განტვირთვაში დაეხმარება. რაც შეეხება მთლიან პროექტში საქართველოს ბანკის ფინანსურ მონაწილეობას, კომპლექსის მშენებლობაში საქართველოს ბანკის  მიერ გაცემული დაფინანსების მოცულობა 26 მილიონ ლარს შეადგენს“,- განაცხადა საქართველოს ბანკის გენერალური დირექტორის მოადგილემ, ვასილ ხოდელმა.

აღსანიშნავია, რომ მრავალდონიანი მექანიზებული პარკინგი King David პირველი დეველოპერული პროექტია. King David -ის მრავალფუნქციური კომპლექსი აღჭურვილია 296 საპარკინგე ადგილით, მექანიზებული პარკინგის დამატების შემდეგ  კი ავტოპარკინგის საერთო რაოდენობა 605-ს მიაღწევს. King David 70 მლნ დოლარის ინვესტიციაა, რომელმაც თბილისში ცათამბჯენების მშენებლობის პრეცედენტი შექმნა და 5 ვარსკვლავიან ცხოვრების სტილს ჩაუყარა საფუძველი. მრავალფუნქციური კომპლექსი King David აერთიანებს A კლასის ბიზნეს ცენტრს, პრემიუმ კლასის საცხოვრებელ რეზიდენციებს, გამაჯანსაღებელ-რეკრეაციულ ზონას და კვების ობიექტებს. ამ ეტაპისთვის, მრავალფუნქციური კომპლექსის საცხოვრებელი ნაწილი - KDR დასრულებულია, King David ბიზნეს ცენტრის 87% დატვირთულია, ფუნქციონირებს 300 სტუმარზე გათვლილი KD Café, Sky Hall-ის საკონფერენციო დარბაზი, მუშაობს იტალიური ბარ-რესტორანი XVII • Seventeen და 120 ადამიანზე გათვლილი საერთო სამუშაო სივრცე KD4US.

(NS)

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

რომელი ქვეყნების მოქალაქეები დეპორტირდნენ საქართველოდან ყველაზე ხშირად 2026 წელს?

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა