„დირსის" საცხოვრებელ კომპლექსში შეჭრილი 150-მდე დევნილი ხელისუფლებას ულტიმატუმს უყენებს და შიმშილობის დაწყებით იმუქრება. 

დევნილების 3 მოთხოვნა აქვთ, კერძოდ - მოიხსნას კომპლექსში საპოლიციო კორდონი, ადვოკატთან შეხვედრის შესაძლებლობა მიეცეთ და მედიის წარმომადგენლები შენობაში შეუშვან. 

ამასთან, ისინი დაუყოვნებლივ ბინებით დაკმაყოფილებას ითხოვენ. დევნილების თქმით, ისინი შენობის დატოვებს არ აპირებენ. მათ ულტიმატუმს ვადა საღამოს 18:00 საათზე იწურება.

„იქ მყოფები დამიკავშირდნენ და სამი მოთხოვნა წამოაყენეს. უახლოეს საათებში პოლიციის კორდონების დაშლა. ჩვენი ადვოკატის დაშვება ხალხთან საკომუნიკაციოდ და ჟურნალისტების შეშვება. იქ ადეკვატური ხალხი ზის, რომლებიც ამ მდგომარეობამდე მიიყვანა უსულ-გულობამ. ასევე 3 ქალი, უკვე მეოთხე დღეა შიმშილობს. დანარჩენებიც დაიწყებენ შიმშილობას თუ მოთხოვნები არ დაკმაყოფილდება. არ აქვთ არც წყალი და არც ელექტროენერგია. შენობაში იმყოფებიან მცირეწლოვანი ბავშვებიც. საკვებს ახლობლები აწვდიან", - აღნიშნა ერთ-ერთმა დევნილმა.

ცნობისთვის, დევნილები "დირსში" უკვე მეოთხე დღე იმყოფებიან. ისინი ბინებით უზრუნველყოფას ითხოვენ. მოგვიანებით განცხადება "დირსის" დირექტორმა გაავრცელა. მისი თქმით, დევნილების შემოჭრის გამო, კომპანიას ზარალი ადგება. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

სოფელ ხრამში კაცის ცხედარი იპოვეს

შესაძლოა, აშშ-მ უახლოეს დღეებში ირანში გამდიდრებული ურანის ჩამორთმევის მიზნით სახმელეთო ოპერაცია დაიწყოს - The New York Times

Mercedes-მა, Volkswagen-ის შემდეგ, სამხედრო პროდუქციის წარმოების მზადყოფნა გამოაცხადა

რუსეთმა ლიმანის „ცეცხლოვანი კერის“ აღების შესახებ წელს მეორედ გამოაცხადა