სსიპ „სოციალური მომსახურების სააგენტოში“ დასაქმებულმა სოციალურმა მუშაკებმა დღეიდან გაფიცვა შეწყვიტეს. 

როგორც სოცმუშაკების ნაწილმა დღეს გამართულ პრესკონფერენციაზე განაცხადა, ისინი სამუშაო პროცესს უბრუნდებიან. ამასთან, მათივე თქმით, მოთხოვნათა ნაწილი კვლავ შეუსრულებელია და პრობლემების მოსაგვარებლად ისინი ბრძოლას განაგრძობენ.

სოცმუშაკებმა, რომლებიც 25 მარტიდან გაფიცულები იყვნენ, მიიღეს გადაწყვეტილება, რომ პროფესიული კავშირი დააფუძნონ. 

„ამ ეტაპზე არ არის დაკმაყოფილებული ჩვენ მიერ წამოყენებული მოთხოვნების დიდი ნაწილი. ამასთანავე, 1 აპრილს განცხადებით მივმართეთ ადამიანის უფლებათა დაცვისა და სამოქალაქო ინტეგრაციის კომიტეტს, ასევე სოციალური საკითხებისა და ჯანდაცვის კომიტეტს და ვთხოვეთ პარლამენტს, თავისი საზედამხედველო ფუნქციის ფარგლებში უზრუნველყოს ჯანდაცვისა და ფინანსთა მინისტრებს შორის კოორდინაცია, რათა დაუყოვნებლივ მოხდეს სოციალური მუშაკების სამუშაო პირობების გაუმჯობესება“, - აღნიშნავენ სოციალური მუშაკები.

ცნობისთვის, სოოციალური მუშაკები მთელი საქართველოს მასშტაბით 25 მარტს გაიფიცნენ. გაფიცულები სამუშაო პირობებს გაუმჯობესებას ითხოვდნენ. სოციალური მუშაკების განცხადებით, პრობლემას არასათანადო სერვისები, დაბალი ხელფასი და შტატების სიმცირე წარმოადგენს. 28 მარტს გაფიცულ სოცმუშაკებს ჯანდაცვის მინისტრი დავით სერგეენკო შეხვდა. შეხვედრის დასრულების შემდეგ მინისტრმა განაცხადა, რომ გაფიცულებთან შეთანხმება შედგა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა

მოსკოვის ცენტრში 100-ზე მეტი ადამიანი დააკავეს; ზოგიერთს სამხედრო რეგისტრაციისა და გაწვევის ოფისში უწყება გადაეცა